«ՄԻ ԴԻՊՉԵՔ ԻՄ ՕԾՅԱԼՆԵՐԻՆ, ԵՎ ՄԻ ՎՆԱՍԵՔ ԻՄ ՄԱՐԳԱՐԵՆԵՐԻՆ»
ԶՈՐԱԿՑՈՒԹՅԱՆ ՍՈՒՐԲ ՊԱՏԱՐԱԳ ԵՐԵՐՈՒՅՔԻ ՏԱՃԱՐՈՒՄ

Հուլիսի 19-ին Հայ Առաքելական Սուրբ
Եկեղեցին տոնախմբեց Քրիստոսի
տասներկու Առաքյալների, ինչպես նաեւ
Պողոս Առաքյալի հիշատակը:
Տիրոջ ներողամտության պատգամը
լավագույնս իրագործեցին Նրա
տասներկու Առաքյալները՝ Նոր Ուխտի
քարոզիչներն ու Ավետարանիչները,
որոնք ամենայն դառն ու դժնի
իրավիճակներում էլ անտրտունջ
գոհություն էին մատուցում Տիրոջը: Իսկ
դա նշանակում էր, որ նրանք
ներողամտորեն էին վերաբերվում իրենց
հալածողներին ու ամբաստանողներին:
Վերջիններս հրեա հասարակ մարդիկ
էին՝ մի մասը ձկնորսներ, մի մասն էլ
առօրյա ապրուստը ճակատի քրիտինքով վաստակող աշխատավորներ: >>>

«ԵՒ ԿԵՆԴԱՆԵԱՑ ԵՒ ՄԵՌԵԼՈՑ ՏԷՐ
ԾԱՆՈՒՑԻՆ ԶՔԵԶ ՄՈՎՍԷՍ ԵՒ ԵՂԻԱ»
ԱՅԼԱԿԵՐՊՈՒԹՅԱՆ ՍՈՒՐԲ ԵՎ ԱՆՄԱՀ ՊԱՏԱՐԱԳ

Հիսուսի Այլակերպությունը Հայ Առաքելական Սուրբ Եկեղեցու հինգ տաղավար կամ գլխավոր տոներից մեկն է: Այն նշվում է Ս. Զատկից 14 կամ Հոգեգալստից յոթը շաբաթ անց հանդիպող առաջին կիրակի օրը, խորհրդանշում է Տիրոջ լուսաշող կերպարանքով երեւալն այս բացառիկ հայտնության երեք վկաներին՝ Պետրոս, Հովհաննես եւ Հակոբոս Առաքյալներին: >>>

«ՓԱՌՔ ՔԵԶ, ԱՍՏՈՒԱԾ, ՓԱՌՔ ՔԵԶ,
ՅԱՂԱԳՍ ԱՄԵՆԱՅՆԻ, ՏԷՐ, ՓԱՌՔ ՔԵԶ»
ԽԱՉԵՐԹ ԱՅԼԱԿԵՐՊՈՒԹՅԱՆ ՏՈՆԻՆ ԸՆԴԱՌԱՋ

Շիրակի թեմի Առաջնորդ Տ. Միքայել արքեպս. Աջապահյանի օրհնությամբ հուլիսի 26-ին Գյումրիում տեղի ունեցավ ուխտերթ՝ մեր Տեր եւ Փրկիչ Հիսուս Քրիստոսի Պայծառակերպության տոնին ընդառաջ: Այն մեկնարկեց Ս. Հակոբ եկեղեցուց եւ իր լրմանը հասավ Ս. Ամենափրկիչ եկեղեցում, որի ուխտի օրն է Պայծառակերպության տոնը: >>>

Կրկին գոհություն Ամենակալին, որ անարժանիս արժանի դարձրեց անցնելու քավության եւ փորձության այս ճանապարհը՝ միշտ իմ կողքին լինելով եւ Սուրբ Հոգով մխիթարելով: Որտեղ նեղությունն է, այնտեղ նաեւ Տիրոջ մխիթարությունն է :>>>

Վերջին շաբաթների ընթացքում, Շիրակի թեմի Երիտասարդաց միության նախաձեռնությամբ, Գյումրու Սուրբ Աստվածածին Մայր եկեղեցում եւ Սուրբ Ամենափրկչում պարբերաբար անցկացվում են միասնական աղոթքներ՝ հանուն արդարության, հոգեւոր եւ ազգային արժեքների պահպանման, ի զորակցություն նրանց, ովքեր այսօր կանգնած են ճշմարտության կողքին եւ ապօրինաբար կալանավորված են: >>>

ԼՈՒՌ, ԲԱՅՑ ԽՈՍՈՒՆ ՆԱԽԱՁԵՌՆՈՒԹՅՈՒՆ

Մեր սիրելի Սրբազան Հայրը՝ Շիրակի թեմի բարեխնամ Առաջնորդ Տ. Միքայել արքեպս. Աջապահյանը, երեկոյան ժամերգությունից հետո, քայլում էր Սուրբ Աստվածածին մայր եկեղեցու բակում՝ իր հոգեւոր լռությամբ ու ներքին խաղաղությամբ, քայլում էր՝ իր հայրական ներկայությամբ ջերմացնելով մեր հոգիները: >>>

ՀԱՄԱՀԱՅԿԱԿԱՆ ՈՒԽՏԱԳՆԱՑՈՒԹՅՈՒՆ «ՔՐԻՍՏՈՆՅԱ ԸՆՏԱՆԻՔԸ ՀԱՅ ԻՆՔՆՈՒԹՅԱՆ ԽԱՐԻՍԽ» ԽՈՐԱԳՐՈՎ

2025 թ.-ի հուլիսի 2-7-ն անցկացվեց Հայ Եկեղեցու համաշխարհային երիտասարդական միավորման (ՀԵՀԵՄ) «Քրիստոնյա ըմտանիքը հայ ինքնության խարիսխ» խորագիրը կրող համահայկական ուխտագնացությունը, որին մասնակցում էին շուրջ 300 եկեղեցասեր երիտասարդներ՝ Նվիրապետական Աթոռներից, Հայրապետական պատվիրակություններից, Հայստանի եւ Սփյուռքի տարբեր թեմերից: >>>

«ԸՆԴ ՆՄԻՆ ԵՒ ԶԱԶԳՍ ՀԱՅՈՑ, ՆՈՐՈԳ ՀՈԳԵՒՈՐ ԾՆՆԴԵԱՄԲ, Ի ԼՈՅՍ ԱՍՏՈՒԱԾԳԻՏՈՒԹԵԱՆ ԱԾԵՐ»
ՍՈՒՐԲ ՊԱՏԱՐԱԳ ՍՈՒՐԲ ԳՐԻԳՈՐ ԼՈՒՍԱՎՈՐՉԻ ՆՇԽԱՐԱՑ
ԳՅՈՒՏԻ ՏՈՆԻ ԱՌԻԹՈՎ

Հայոց Եկեղեցու տոնացույցում Ս. Գրիգոր Լուսավորչին նվիրված երեք տոներից առաջինը հիշատակն է նրա վիրապ մուտքի, երկրորդը՝ ելքի եւ երրորդը՝ նշխարների գյուտի: Սրբի նկարագրի լուսեղեն գծերից մեկն էլ ի հայտ եկավ իր մահվան ժամանակ: Նա կյանքի վերջին տարիներն անցկացրեց առանձնության մեջ, ժողովրդից գրեթե անտես ու հեռու: >>>

«ՉԿԱ ՓՐԿՈՒԹՅՈՒՆ ԱՌԱՆՑ ԱՊԱՇԽԱՐՈՒԹՅԱՆ»

Շիրակի թեմի Առաջնորդ Գերաշնորհ Տ. Միքայել արքեպս. Աջապահյանի օրհնությամբ Երիտասարդաց միությունն անցկացնում է հոգեւոր զրույցների շարք:
Հուլիսի 18-ին սոցիալ-կրթական կենտրոնում տեղի ունեցավ «Ճանաչենք Աստծո կամքը» խորագրով հանդիպումների շարքի վեցերորդ զրույցը, որն անցկացրեց Իրաքի թեմի Արժանապատիվ Տ. Հակոբոս քհն. Իսահակյանը: :>>>

Կիրակնօրյա դպրոցները շատ ավելին են, քան պարզապես դասաժամերին որոշակի հոգեւոր գիտելիք ջամբող կառույցներ:
Վերջիններս կարեւոր հարթակ են, ուր երեխաները ճանաչում են Աստծուն, ձեւավորում քրիստոնեական արժեքներ եւ սովորում միմյանց նկատմամբ սիրով ու հարգանքով վերաբերվել, նաեւ աստվածաճանաչության, հայրենաճանաչության, եկեղեցաճանաչության կարեւոր առաքելությունն են իրականացնում: >>>

ՓՈՔՐԻԿ ՈՒԽՏԱՎՈՐՆԵՐԸ

Ղարիբջանյանի Սուրբ Հոգի եկեղեցու Կիրակնօրյա դպրոցի սաների համար հուլիսի 16-ն ուխտագնացության օր էր:
Այն սկսվեց եկեղեցում արված Ճանապարհի աղոթքով, որից հետո, Շիրակի թեմի Առաջնորդ Տ. Միքայել արքեպս. Աջապահյանի օրնությամբ եւ առաջնորդությամբ Տ. Մակար քհն. Գալամդարյանի, մեկնեցին Խորվիրապ, ուր ծանոթացան վանքի պատմությանը եւ միասնաբար աղոթեցին, ապա իջան խորը գուբը, ուր նույնպես աղոթք բարձացրին առ Աստված մեր հայրենիքի՝ Հայաստան աշխարհի եւ հոգեւոր հայրենիքի՝ Հայ Առաքելական Սուրբ Եկեղեցու անսասանության ու բարգվաճման համար: >>>

ՀՈԳԵՎՈՐ ԶՐՈՒՅՑ. ՍՈՒՐԲ ՀԱՂՈՐԴՈՒԹՅՈՒՆ

Շիրակի թեմի Առաջնորդ Գերաշնորհ Տ. Միքայել արքեպս. Աջապահյանի օրհնությամբ Երիտասարդաց միությունը շարունակում է «Ճանաչենք Աստծո կամքը» խորագրով հոգեւոր զրույցների շարքը:
Հունիսի 26-ին սոցիալ-կրթական կենտրոնի դահլիճում տեղի ունեցավ հինգերորդ հանդիպումը, որի բանախոսն էր Տ. Փավստոս քհն. Սարգսյանը: Այս անգամ զրույցի թեման Հայ Առաքելական Սուրբ Եկեղեցու յոթը խորհուրդներից Սուրբ Հաղորդությունն էր: >>>

ՈՒԽՏԱԳՆԱՑՈՒԹՅՈՒՆ ԿՈՏԱՅՔԻ ԹԵՄ

Ուխտագնացությունը ոչ միայն պետք է մեզ մոտեցնի Աստծուն, այլեւ յուրաքանչյուրիս մոտեցնի մեկ մեկու…
Հուլիսի 19-ին Ազատանի համայնքը, հոգեւոր հովիվ Տ. Մակար քհն. Գալամդարյանի առաջնորդությամբ, ուխտավորաբար այցելեց Կոտայքի թեմի սրբավայրեր: >>>

ԱՌԱԿ ՍԻՐՈ ԵՎ ԲԱԺԱՆՈՒԹՅԱՆ ՄԱՍԻՆ

Դաշտի եզրին կանգնած էին Սերն ու Բաժանումը եւ հիանում էին երիտասարդ զույգով: Բաժանումն ասաց.

-Գրազ գանք. ես նրանց կբաժանեմ: >>>

ՏԵԽՆՈԼՈԳԻԱԿԱՆ ԿՐԹԱԿԱՆ ԾՐԱԳՐԵՐ ԱԶԱՏԱՆՈՒՄ

Սերգեյ Ասլանյանի անվան բարեգործական հիմնադրամի կողմից, «Ձեռնարկությունների ինկուբատոր» հիմնադրամի, Գյումրու տեխնոլոգիական կենտրոնի եւ Շիրակի թեմի Ազատանի «Սուրբ Հարություն» կրթական կենտրոնի համագործակցությամբ, «Սուրբ Հարություն» կրթական կենտրոնում ստեղծվեց տեխնոլոգիական լաբորատորիա՝ «S.A. Lab», որը գործարկվեց ապրիլի 14-ից: >>>

ՈՒԽՏԱԳՆԱՑՈՒԹՅՈՒՆ ՎԱՅՔ

Ուխտավորի հոգու, մտածողության նորոգությունը մի նոր ձգտում է առաջացնում իմանալ, թե հայրենի այս փոքրիկ հողն է՛լ ինչ գաղտնիքներ ունի եւ ինչեր կան, որոնց հետ հաղորդակցվելու պահանջը երբեք չի նվազում քրիստոնյայի մոտ: >>>

1 հուլիսի - Առաջնորդանիստ Ս. Աստվածածին մայր եկեղեցում Սուրբ եւ անմահ Պատարագ մատուցեց Տ. Տաթեւ քհն. Մարուքյանը: Սրբազան արարողության ընթացքում՝ «Հայր մեր»-ից առաջ, օրվան պատշաճող ոգեշունչ քարոզ խոսեց պատարագիչ Տեր Հայրը: >>>