| ՈՒԽՏԱԳՆԱՑՈՒԹՅՈՒՆ
ՎԱՅՔ
 խտավորի
հոգու, մտածողության նորոգությունը մի նոր ձգտում է առաջացնում իմանալ,
թե հայրենի այս փոքրիկ հողն է՛լ ինչ գաղտնիքներ ունի եւ ինչեր կան,
որոնց հետ հաղորդակցվելու պահանջը երբեք չի նվազում քրիստոնյայի
մոտ: Ի տարբերություն հավիտենական ուխտերի, որ Աստված կնքել է մարդկանց
հետ (հիշենք Նոյին, Աբրահամին, Մովսեսին), այս ժամանակավոր ուխտերը,
որ կամաց-կամաց սկսում են տեղ գտնել քրիստոնյայի կյանքում, իրենց
գործնական ընթացքով ստեղծում են շփում անցյալից մեզ փոխանցված հոգեւոր
արժեքների հետ:
Հուլիսի 12-ին, Սուրբ Տրդատ թագավորի տիկնոջ՝ Աշխենի եւ Խոսրովիադուխտի
տոնի ուրախ առիթով, Զարիկ Իգիթյանի եւ Ժաննա Խաչատրյանի նախաձեռնությամբ,
կազմակերպվեց ուխտագնացություն Վայք:
Վաղ առավոտյան ուխտավորների փոքրիկ խումբը, օրվա խորհրդով լցված,
ճանապարհ ընկավ՝ ներկա գտնվելու եւ հաղորդակից դառնալու Ս. Տրդատ
եկեղեցում մատուցվելիք Սուրբ եւ անմահ Պատարագին:
ՈՒԽՏՎՈՐՆԵՐԸ ՎԱՅՔՈՒՄ
Սուրբ Տրդատ եկեղեցին կառուցվել է 2000 թվականին եւ օծվել ձեռամբ
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի: Այստեղ Սուրբ եւ
անմահ Պատարագ մատուցեց եւ օրվան պատշաճող քարոզ խոսեց Տ. Սեպուհ
քհն. Հարությունյանը: Հավարտ Սուրբ Պատարագի Տեր Հայրը ներկաներին
ծանոթացրեց եկեղեցու պատմությանը:
ՆՈՐԱՎԱՆՔ
Հաջորդ կանգառը Սյունյաց մետրոպոլիտների աթոռանիստ, Օրբելյանների
հոգեւոր կենտրոն ու դամբարանավայր, նաեւ Հայ Եկեղեցու ճարտարապետության
ամենանշանավոր կառույց Նորավանքն էր: 13-14-րդ դարերի վանական համալիրը,
ըստ Օրբելյանի, սրբատեղի է դեռ վաղ միջնադարից:
Նորավանքի համալիրի գլխավոր՝ Սուրբ Կարապետ եկեղեցին կառուցել է
իշխան Լիպարիտ Օրբելյանը 1218-1223 թվականներին: Այստեղ ուխտավորները
ծանոթացան վանական համալիրի պատմությանը, գոհաբանական աղոթք բարձրացրին
առ Աստված եւ շարունակեցին ճանապարհը:
ՋԵՐՄՈՒԿԻ Ս. ԳԱՅԱՆԵ ԵԿԵՂԵՑԻ
Հաջորդ եւ վերջին հանգրվանը Ջերմուկի՝ 2007 թ. կառուցված, Ս. Գայանե
եկեղեցին էր: Այստեղ ուխտավորները վառեցին իրենց մոմերը, խնկարկեցին,
միասնական աղոթեցին առ Երկնային Տերը՝ խնդրելով ազատություն անարդարությամբ
կալանավորված մեր սիրելի Սրբազան Հայրերին, Սամվել Կարապետյանին
եւ ազատությունից զրկված մնացած նեղյալներին:
ԱԼՎԱՐԴ ԿԱՂԶՎԱՆՑՅԱՆ
>>>
|
|
