Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

Տ. ՄԻՔԱՅԵԼ ԱՐՔԵՊՍ. ԱՋԱՊԱՀՅԱՆԸ ԴԻՄԵԼ Է
ԵՎՐՈՊԱԿԱՆ ԴԱՏԱՐԱՆ

իքայել Սրբազանն իր փաստաբանների միջոցով գանգատ է ներկայացրել Մարդու իրավունքների եվրոպական դատարան (ՄԻԵԴ)՝ մարդու իրավունքների կոնվենցիայով երաշխավորված իր իրավունքների խախտման փաստերով: Այս մասին հայտնում է նրա պաշտպանական թիմը:

Գանգատում նշվել են Միքայել Սրբազանի անօրինական կալանավորման (հոդված 5), արտահայտվելու ազատության խախտման (հոդված 10), ինչպս նաեւ ազատությունից զրկելու եւ քրեական հետապնդումը քաղաքական նպատակներով իրականացնելու (հոդված 18) վերաբերյալ փաստեր ու փաստարկներ:

Վերաքննիչ քրեական դատարանում (դատավորներ՝ Է. Մանասյան, Ն. Հովակիմյան եւ Վ. Մարգարյան, ք. Երեւան, Գ. Նժդեհ 23 շենք) դատական նիստը շարունակվեց 06.02.2026 թ. 15.00-ին: Հրապարակվեց խափանման միջոցի փոփոխման միջնորդության քննարկման հետ կապված վերաքննիչ դատարանի որոշումը: Դատական նիստը դռնբաց էր:

Վերաքննիչ դատարանը փետրվարի 6-ին Միքայել Սրբազանի խափանման միջոց կալանքը փոխարինեց տնային կալանքով:

Թեմակալ Առաջնորդը ձերբակալվեց, ապա կալանավորվեց ամռանը՝ հուլիսի 27-ին: Նրան մեղադրում են իշխանությունը զավթելու կոչի համար: Բարձրաստիճան հոգեւորականը մեղքը չի ընդունում, ավելին՝ քրեական գործը համարում է քաղաքական հետապնդում:

«Այսօր երեւի դատական համակարգը հասկանում է, որ ՄԻԵԴ-ի ձեռքից չի պրծնելու առնվազն կամ միջազգային կառույցների կողմից այս ճչացող խախտումները բոլոր դեպքերում իրենց դեմ են ուղղվելու»,- լրագրողների հետ զրույցում ասաց փաստաբան Արա Զոհրաբյանը՝ մեկնաբանելով Միքայել Սրբազանի խափանման միջոց կալանքը տնային կալանքով փոխարինելու դատարանի որոշումը:

>>>