Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

«ԵՍ ԻՆՁ ՀՈՅԱԿԱՊ ԵՄ ԶԳՈՒՄ»
ՇԻՐԱԿԻ ԹԵՄԻ ԱՌԱՋՆՈՐԴԸ ԴՈՒՐՍ ԳՐՎԵՑ «ԻԶՄԻՐԼՅԱՆ» ԲԿ-ԻՑ

ետրվարի 17-ին Շիրակի թեմի Առաջնորդ Տ. Միքայել արքեպս. Աջապահյանը դուրս գրվեց «Իզմիրլյան» բժշկական կենտրոնից եւ տեղափոխվեց Գյումրի: Անազատության մեջ գտնվելուց ութ ամիս անց վերաքննիչ դատարանը բավարարել էր պաշտպանների միջնորդությունը եւ կիրառել տնային կալանք:

Հիվանդանոցից մինչեւ մեքենա նրան ուղեկցում էին հաստատության տնօրեն Արմեն Չարչյանը, բժիշկներ, բուժհաստատության հոգեւոր տեսուչ Տ. Հովհաննես աբեղա Թորգոմյանը, քրեակատարողական հիմնարկների հոգեւոր տեսուչ Տ. Իսահակ վարդապետ Պողոսյանը:

Միքայել Սրբազանի առաջին վիրահատությունը կատարվել էր 2025 թվականի դեկտեմբերի 26-ին՝ իր տարեդարձից մեկ օր առաջ, իսկ երկրորդը՝ փետրվարի 10-ին: «Իզմիրլյան» բժշկական կենտրոնի գործադիր տնօրեն Արմեն Չարչյանի փոխանցմամբ՝ Սրբազան Հոր երկրորդ վիրահատությունը նունպես անցել էր հաջողությամբ եւ ունեցել էր ուրոլոգիական բնույթ: «Առնվազն երկու շաբաթ Միքայել Սրբազանը կմնա մեր վերահսկողության տակ»,- նշել էր պարոն Չարչյանը:

Բժշկական հաստատության մուտքի մոտ հավաքված լրագրողները հարցեր ուղղեցին քրեակատարողական հիմնարկների հոգեւոր տեսուչ Տ. Իսահակ վրդ. Պողոսյանին: Հայր Սուրբը հիշեցրեց, որ պահքի շրջան է. «Տեղյակ եք չէ՞, որ Մեծ պահքն սկսվել է: Ես ուժ ու կարողություն եմ մաղթում բոլորիդ՝ Մեծ պահքի այս ժամանակահատվածը լավ գործածելու եւ արժանի կերպով դիմավորելու Սուրբ Հարությունը: Աննախադեպ ծանր օրեր են, բայց պատմությանը քաջատեղյակ անձինք գիտեն, որ մեր կյանքում շատ ավելի ծանր օրեր էլ են եղել»:

Գյումրիում սիրված Առաջնորդ Սրբազանին դիմավորելու համար ի մի էին եկել մեծաթիվ հավատավոր գյումրեցիներ, հոգեւորականներ, թեմի աշխատակազմը, երիդասարդաց միության անդամները: Ներկաները սիրելի Սրբազանին դիմավորեցին ջերմությամբ, բարեմաղթանքներով, գրկախառնություններով ու ծափողջույններով: Միքայել Սրբազանն առաջնորդարան մուտք գործեց «Հրաշափառ»-ի երգեցողությամբ:

>>>