| ՇԻՐԱԿԻ
ԹԵՄԻ ԱՌԱՋՆՈՐԴԸ ՄԱՍՆԱԿՑԵՑ ՏԱԹԵՎ
ՍՐԲԱԶԱՆԻ ՀՈՒՂԱՐԿԱՎՈՐՈՒԹՅԱՆԸ
  ետրվարի
24-ին, Մայր Աթոռ Սուրբ Էջմիածնի միաբանական գերեզմանատանը, տեղի
ունեցավ Մեծի Տանն Կիլիկիո Կաթողիկոսության երիցագույն միաբաններից
Տ. Տաթեւ արքեպս. Սարգիսյանի հուղարկավորության արարողությունը:
Առավոտյան Սուրբ Գայանե վանքում, Ն.Ս.Օ.Տ.Տ. Գարեգին Բ Ծայրագույն
Պատրիարք եւ Ամենայն Հայոց Կաթողիկոսի օրհնությամբ, մատուցվեց Սուրբ
եւ անմահ Պատարագ: Օրվա պատարագիչն էր Մեծի Տանն Կիլիկիո կաթողիկոսության
միաբան Տ. Շահան արքեպս. Սարգիսյանը:
Մինչ այդ Սուրբ Գայանե վանքում, Մայր Աթոռ Սորւբ Էջմիածնի եւ Մեծի
Տանն Կիլիկո միաբանների մասնակցությամբ, կատարվեց Մայր Աթոռի հավատարիմ
զավակ, ուսուցիչ եւ բարեկամ հոգելույս Տ. Տաթեւ արքեպս. Սարգիսյանի
հոգեհանգստյան կարգը: Մայր Աթոռի միաբան Հայկազուն Սրբազանն ընթերցեց
Գարեգին Բ Վեհափառ Հայրապետի ցավակցական խոսքը՝ ուղղված Սրբազան
Հոր վախճանը սգացող հարազատներին, Մայր Աթոռ Սորւբ Էջմիածնի եւ Մեծի
Տանն Կիլիկո միաբան հայրերին ու հավատացյալներին:
 Հոգեհանգստյան
կարգը, որին, դատարանի թույլտվությամբ, ներկա էր Շիրակի թեմի Առաջնորդ
Տ. Միքայել արքեպս. Աջապահյանը, կատարեց Մեծի Տանն Կիլիկո միաբան
Տ. Օշական արքեպս. Չոլոյանը:
Սուրբ Պատարագից հետո Մայր Աթոռ Ս. Էջմիածնի միաբանական գերեզմանատանը
կատարվեց ննջեցյալ Սրբազան Հոր թաղման կարգը: Հուղարկավորությանը,
մասնակցեց նաեւ Շիրակի թեմակալ Առաջնորդը, ով Սուրբ Գայանե էր եկել
ոստիկանների ուղեկցությամբ: Գերեզմանատանը, եկարատեւ ընդմիջումից
հետո, հանդիպեցին Գարեգին Բ Ամենայն Հայոց Կաթողիկոսն ու քաղբանտարկյալ,
ազգային-եկեղեցական գործիչ Սրբազան Հայրը:
Վեհափառ Հոր ու միաբան եղբայրների հետ ողջագուրանքից հետո, Տ. Միքայել
արքեպս. Աջապահյանը, դարձյալ ոստիկանների ուղեկցությամբ, վերադարձավ
իր կեցավայրը՝ Գյումրի:
Առաջնորդ Սրբազան Հայրը մշտապես աչքի է ընկել իր սկզբունքայնությամբ,
հայրենասիրական ոգով եւ ժողովրդի ցավին արձագանքելու պատրաստակամությամբ:
>>>
|
|
