ԵՐԿՐՈՐԴ
ԾԱՂԿԱԶԱՐԴԸ ՄԱՐՄԱՇԵՆԻ ՈՒԽՏԻ ՕՐ
յս
տարի Հինանց շրջանի յոթերորդ կիրակին՝ Երկրորդ Ծաղկազարդը Հայ Առաքելական
Սուրբ Եկեղեցին տոնեց մայիսի 12-ին:
2012 թվականից ի վեր, Շիրակի թեմի Առաջնորդ գերաշնորհ Տ. Միքայել
արքեպիսկոպոս Աջապահյանի օրհնությամբ, ամեն տարվա Հինանց շրջանի
յոթերորդ կիրակին հաստատվել է Մարմաշեն վանքի ուխտի օր:
Այդ օրը Գյումրու Սուրբ Աստվածածին մայր եկեղեցում, բարեշնորհ Արտաշես
սարկավագ Աջապահյանի գլխավորությամբ, ուխտավորներն աղոթք բարձրացրին
առ Աստված եւ ճանապարհ ընկան:
Մարմաշեն
վանքում մատուցվեց ուխտի Սուրբ եւ անմահ Պատարագ` ձեռամբ արժանապատիվ
Տ. Փառեն քահանա Պետրոսյանի:
«Ոչ թե դու թելադրիր Աստծուն ճշմարտություն, այլ Աստծուց ստացիր
այդ ճշմարտությունը: Ինչո՞ւ, որովհետեւ քո տեսակը կարող է խաբուսիկ
լինել, քո իմացածը կարող է ճշմարիտ չլինել: Որքան էլ քեզ համակիր
լինեն շատերը, որքան էլ ընդունեն քո խոսքը, միեւնույնն է, պետք է
հարցնել. արդյո՞ք քո իմացածը ճիշտ է, արդյո՞ք քո կատարած քայլը ճիշտ
է: Նշանակում է` յուրաքանչյուրս այն հասկանալու շա՜տ մեծ ճանապարհ
ունենք անցնելու ու հասնելու ճշմարտությանը: Այս ուխտագնացությունները
մեզ նման հնարավորություն պետք է ընձեռեն»,- քարոզի ընթացքում ի
մասնավորի նշեց պատարագիչ Տեր Հայրը:
Սուրբ եւ անմահ Պատարագից հետո Մարմաշենի հովվության երգչախումբը
հանդես եկավ հոգեւոր համերգով:
ՄԱՐԻԱՄ ՍՈՒՔԻԿՅԱՆ
ԼՈՒՍԱՆԿԱՐՆԵՐԸ՝ ՀԵՂԻՆԱԿԻ
>>>
|
|