| ՀԱՆԴԻՊՈՒՄ
ԿԻՐԱԿՆՕՐՅԱ ԴՊՐՈՑՆԵՐԻ ՈՒՍՈՒՑԻՉՆԵՐԻ ՀԵՏ
 եկտեմբերի
2-ին Հայ Առաքելական Սուրբ Եկեղեցին նշեց հայոց առաջին լուսավորիչների`
Սուրբ Թադեոս եւ Սուրբ Բարդուղիմեոս Առաքյալների տոնը:
 Տոնը
հատկանշական է նաեւ նրանով, որ նշվում է Կիրակնօրյա դպրոցի ուսուցիչների
օրը:
Այդ առիթով Շիրակի թեմի Քրիստոնեական Դաստիարակության Կենտրոնի պատասխանատու
Արժանապատիվ Տ. Նշան քահանա Պանֆյորովը հրավիրել էր ուսուցիչներին՝
միասին տոնի խորհրդին հաղորդ դառնալու եւ այն տոնախմբելու:
«Ընդհանրապես ուսուցչի դերը շատ մեծ է երեխաների կյանքում, բայց
Կիրակնօրյա դպրոցի ուսուցիչներինն առավելապես: Դուք ոչ միայն գիտելիք
եք տալիս, այլ տալիս եք քրիստոնեական ու ազգային արժեհամակարգ, որով
իսկ մասնակից եք առաքյալների լուսավորչական առաքելությանը»,- նշեց
Տեր Հայրն իր շնորհավորական խոսքում:
Հավաքին ներկա ուսուցիչները, հետաքրքիր զրույցից հետո, Տեր Հորն
ուղղեցին իրենց հուզող հարցերը, իսկ վերջում ի մի եկան սիրո ճաշի
սեղանի շուրջ:
ԳՈՀԱՐ ԳԱԼՏԱԳԱԶՅԱՆ
>>>
|
|
