| ԽՈԿՈՒՄ
«ԱՍՏՎԱԾՃԱՆԱՉՈՒԹՅՈՒՆ» ԹԵՄԱՅՈՎ
 եկտեմբերի
16-ին՝ հավարտ երեկոյան ժամերգության, Գյումրու Ս. Աստվածածին մայր
եկեղեցում անցկացվեց խոկման արարողություն` «Աստվածճանաչողություն»
թեմայով: Խոկման բանախոսը Տ. Հուսիկ քահանա Գրիգորյանն էր:
Շիրակի թեմի բարեխնամ Առաջնորդ Տ. Միքայել արքեպս. Աջապահյանի օրհնությամբ,
այսուհետ ամիսը մեկ անգամ առաջնորդանիստ Սուրբ Յոթվերք եկեղեցում
կանցկացվի խոկման արարողություն: Խոկում նշանակում է խորհել, մտածել.
արարաղություն, որի ընթացքում, աղոթքից ու աստվածաշնչյան համապատասխան
ընթերցվածից հետո, ընտրված թեմայի վերաբերյալ, հոգեւորականի կողմից
քարոզ է խոսվում:
«Մենք սովոր ենք մեր իմացած Աստծուն ճանաչել: Եթե այստեղ ներկա մարդկանց
հարցնեմ, թե ձեր պատկերացմամբ ինչպիսի՞ն է Աստված, յուրաքանչյուրը
կներկայացնի իր պատկերացումը: Արդյո՞ք մեր ներկայացրած կամ մտածած
ճանաչողությունն Աստծուն, հենց բուն Աստծո էությունը ներկայացնող
բնությունն է: Կարեւոր է այս հարցը, քանի որ, շատերի հետ շփման ընթացքում,
նկատում եմ, որ իրենց պատկերացրած Աստծուն են պաշտում: Երբեմն մարդն
իր Աստվածը խիղճն է համարում, որոշներն Աստված են համարում նույնիսկ
իրենց զավակներին կամ ծնողներին: Շատ կարեւոր է, որ իրական Աստծուն
ճանաչենք»,- իր խոսքում նշեց Տեր Հայրը:
Խոկման ընթացքում ներկաները Տեր Հուսիկին ուղղեցին նաեւ իրենց հուզող
հարցերը: Խոկումն ավարտվեց շարականների երգեցողությամբ եւ Տեր Հոր
հայրական օրհնությամբ:
ՄԱՐԻԱՄ ՍՈՒՔԻԿՅԱՆ
>>>
|
|
