Լրահոսից
2 ապրիլի - Ծաղկազարդ: Սուրբ Յոթվերք
առաջնորդանիստ եկեղեցում մատուցվեց Սուրբ եւ անմահ Պատարագ: Օրվա
պատարագիչն էր Տ. Թաթուլ ավգ. քհն. Հակոբյանը: Հավարտ սրբազան արարողության
կատարվեց Անդաստան:
Նույն օրը Շիրակի թեմի Առաջնորդ Տ. Միքայել արքեպս. Աջապահյանն այցելեց
Ախուրյան համայնքի Կամո գյուղ, ուր, Ս. Գրիգոր Նարեկացի եկեղեցում,
Սուրբ եւ անմահ Պատարագ մատուցեց Տ. Նարեկ քհն. Անտոնյանը: Հավարտ
սրբազան արարողակարգի թեմակալ Առաջնորդն իր հայրական օրհնությունը
հղեց ներկաներին:
6 ապրիլի - Ավագ հինգշաբթի: Սուրբ Աստվածածին եկեղեցում,
ձեռամբ Տ. Վարագ քհն. Հակոբյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, Առաջնորդ Սրբազանն
ընթերցեց Ս. Բարսեղի ճառը:
8 ապրիլի - Ճրագալույց Սուրբ Զատկի: Սուրբ Յոթվերք
մայր եկեղեցում Սուրբ եւ անմահ Պատարագ մատուցեց Տ. Վարագ քհն. Հակոբյանը:
Հընթացս սրբազան արարողակարգի՝ «Հայր մեր»-ից առաջ, օրվան համահունչ
քարոզ խոսեց պատարագիչ Տեր Հայրը:
9 ապրիլի - Հարություն Տյառն մերո Հիսուսի Քրիստոսի:
Առաջնորդանիստ Սուրբ Աստվածածին եկեղեցում մատուցվեց Ս. Հարության
Սուրբ եւ անմահ Պատարագ՝ ձեռամբ Շիրակի թեմի բարեխնամ Առաջնորդ Տ.
Միքայել արքեպս. Աջապահյանի:
10 ապրիլի - Հիշատակ մեռելոց: Սուրբ Յոթվերք եկեղեցում մատուցվեց
մեռելոցի Սուրբ եւ անմահ Պատարագ: Օրվա պատարագիչն էր Տ. Շիրակ ավգ.
քհն. Առաքելյանը:
16 ապրիլի - Նոր կիրակի կամ Կրկնազատիկ: Ս. Յոթվերք
եկեղեցում մատուցվեց Սուրբ եւ անմահ Պատարագ: Օրվա պատարագիչն էր
Տ. Շիրակ ավգ. քհն. Առաքելյանը: Հընթացս սրբազան արարողակարգի՝ «Հայր
մեր»-ից առաջ, ոգեշունչ քարոզ խոսեց Տ. Վարագ քհն. Հակոբյանը:
23 ապրիլի - Կանաչ կիրակի: Սուրբ Աստվածածին եկեղեցում
մատուցվեց Սուրբ եւ անմահ Պատարագ: Օրվա պատարագիչն էր Տ. Թաթուլ
ավգ. քհն. Հակոբյանը: Հընթացս սրբազան արարողակարգի՝ «Հայր մեր»-ից
առաջ, հանգամանալից քարոզ խոսեց պատարագիչ Տեր Հայրը:
24 ապրիլի - 108-րդ տարելից Մեծ եղեռնի: Առաջնորդանիստ
Սուրբ Յոթվերք եկեղեցում մատուցվեց ոգեկոչման Սուրբ եւ անմահ Պատարագ:
Օրվա պատարագիչն էր Տ. Վարագ քհն. Հակոբյանը: Հընթացս սրբազան արարողակարգի՝
«Հայր մեր»-ից առաջ, օրվան պատշաճող ոգեշինիչ քարոզ խոսեց պատարագիչ
Տեր Հայրը:
30 ապրիլի - Կարմիր կիրակի: Սուրբ Աստվածածին մայր
եկեղեցում Սուրբ եւ անմահ Պատարագ մատուցեց Տ. Վարագ քհն. Հակոբյանը:
Սրբազան արարողակարգի ընթացքում՝ «Հայր մեր»-ից առաջ, օրվա խորհուրդը
մեկնող քարոզ խոսեց պատարագիչ Տեր Հայրը:
Նույն օրը Շիրակի թեմի բարեխնամ Առաջնորդ Տ. Միքայել արքեպս. Աջապահյանը
եղավ Աշոցքի Ս. Ղեւոնդյանց եկեղեցում, ուր Սուրբ եւ անմահ Պատարագ
մատուցեց Տ. Հարություն քհն. Պետրոսյանը:
>>> |
|