Լրահոսից
5 մարտի - Անառակի կիրակի: Առաջնորդանիստ
Ս. Աստվածածին եկեղեցում Սուրբ եւ անմահ Պատարագ մատուցվեց ձեռամբ
Տ. Թաթուլ ավգ. քհն. Հակոբյանի: Հընթացս սրբազան արարողակարգի՝ «Հայր
մեր»-ից առաջ, օրվան համահունչ քարոզ խոսեց Տ. Հակոբ քհն. Գրիգորյանը:
Նույն օրը Շիրակի թեմի Առաջնորդ Տ. Միքայել արքեպս. Աջապահյանը եղավ
Ախուրյանի Ս. Աստվածածին եկեղեցում, ուր Սուրբ եւ անմահ Պատարագ
մատուցեց Տ. Կորյուն քհն. Մաթեւոսյանը: Սրբազան արարողակարգի ընթացքում՝
«Հայր մեր»-ից առաջ, ոգեշունչ քարոզ խոսեց Սրբազան Հայրը:
12 մարտի - Տնտեսի կիրակի: Ս. Յոթվերք եկեղեցում
Սուրբ եւ անմահ Պատարագ մատուցեց Տ. Թաթուլ ավգ. քհն. Հակոբյանը:
Սրբազան արարողակարգի ընթացքում՝ «Հայր մեր»-ից առաջ, հանգամանալից
քարոզ խոսեց Տ. Վարագ քհն. Հակոբյանը:
19 մարտի - Դատավորի կիրակի: Առաջնորդանիստ Ս.
Աստվածածին մայր եկեղեցում Սուրբ եւ անմահ Պատարագ մատուցեց Տ. Հակոբ
քհն. Գրիգորյանը: Հընթացս սրբազան արարողակարգի՝ «Հայր մեր»-ից առաջ,
հավուր պատշաճի ոգեշինիչ քարոզ խոսեց Տ. Թաթուլ ավգ. քհն. Հակոբյանը:
Նույն օրը Շիրակի թեմի բարեխնամ Առաջնորդ Տ. Միքայել արքեպս. Աջապահյանը
եղավ Ախուրյանի տարածաշրջանի Ազատան գյուղում, ուր Ս. Հարություն
- Ս. Ստեփանոս եկեղեցում մատուցվեց Սուրբ եւ անմահ Պատարագ: Օրվա
պատարագիչն էր Տ. Մակար քահանա Գալամդարյանը:
Սրբազան արարողակարգի ընթացքում՝ «Հայր մեր»-ից առաջ, օրվան պատշաճող
հոգեհույզ քարոզ խոսեց Առաջնորդ Սրբազան Հայրը:
25 մարտի - Մուտն ի վիրապ: Տոնի առիթով Ս. Աստվածածին
եկեղեցում, ձեռամբ Տ. Շիրակ ավգ. քհն. Առաքելյանի, մատուցվեց Սուրբ
եւ անմահ Պատարագ: Սրբազան արարողակարգի ընթացքում՝ «Հայր մեր»-ից
առաջ, ոգեշունչ քարոզ խոսեց Տ. Հակոբ քհն. Գրիգորյանը:
26 մարտի - Գալստյան կիրակի: Առաջնորդանիստ Ս.
Յոթվերք մայր եկեղեցում Սուրբ եւ անմահ Պատարագ մատուցեց Տ. Շիրակ
ավգ. քհն. Առաքելյանը: Հընթացս սրբազան արարողակարգի՝ «Հայր մեր»-ից
առաջ, հանգամանալից քարոզ խոսեց եւ Գալստյան կիրակի օրվա խորհուրդը
մեկնեց Տ. Վարագ քհն. Հակոբյանը:
>>> |
|