ԱՌԱԿ
ԵՐՋԱՆԿՈՒԹՅԱՆ ՄԱՍԻՆ
ամեստ
մի ընտանիք էր ապրում գյուղի եզրին՝ իր առօրա խնդիրներով, ամենօրյա
նիստ ու կացով եւ սիրով էր հյուրընկալում բոլոր նրանց, ովքեր թակում
էին իրենց տան դուռը:
Մի օր տան դուռը թակեցին Հարստությունը, Հաջողությունն ու Սերը եւ
հարցրին, թե իրենցից ո՞ւմ ներս կթողնեն:
Կինը
դուրս եկավ եւ դռան մոտ տեսավ երեք ծերունի՝ սպիտակ երկար մորուքներով:
Նա նրանց չէր ճանաչում, սակայն ասաց.
- Ես ձեզ չեմ ճանաչում, բայց ճանապարհից եք գալիս, հոգնած ու քաղցած
կլինեք, համեցեք տուն:
- Ամուսինդ տա՞նն է, -հարցրին նրանք:
- Այո,- սիրալիր պատասխանեց կինը:
- Մենք չենք կարող երեքով միասին մտնել տուն:
- Ինչո՞ւ,- զարմացավ կինը,- չէ՞ որ դուք միասին եք եկել:
Ծերունիներից մեկն ասաց.
- Իմ անունը Հարստություն է, նրան Հաջողություն են ասում, իսկ երրորդին
կոչում են Սեր: Մտիր տուն եւ ամուսնուդ հարցրու, թե մեզանից որի՞ն
նա կցանկանար տեսնել իր տանը:
Կինը մտավ տուն եւ ամեն ինչ պատմեց ամուսնուն: Ամուսինը լսեց, անչափ
ուրախացավ եւ ասաց կնոջը, որ ներս հրավիրի Հարստությանը:
- Վերջապես կհարստանանք,- հավելեց նա:
Բայց կինը հակառակվեց՝ ասելով, որ ավելի լավ է տանը Հաջողություն
լինի, որն էլ հարստություն կբերի, եւ նրանք սկսեցին վիճել:
Ամուսինները երեխաներ չունեին եւ տարիներ առաջ մի աղջնակի էին որդեգրել:
Աղջիկը լսեց ծնողներին, ապա մոտեցավ ու ասաց.
- Հայրի՛կ, մայրի՛կ, թող ներս գա Սերը, նա իր հետ կբերի ե՛ւ հաջողություն,
ե՛ւ ամենամեծ հարստությունը՝ համերաշխությունը:
Ծնողները նայեցին միմյանց եւ համաձայնեցին դստեր հետ: Կինը դուրս
եկավ եւ ներս հրավիրեց Սեր անունը կրող ծերունուն, իսկ նրա հետ միասին
տուն մտան մյուս երկու ծերունիները: Կինը նայեց նրանց եւ զարմացած
ասաց.
- Բայց ես ներս հրավիրեցի ձեզանից միայն մեկին:
Այդ ժամանակ Սերը նայեց կնոջն ու սիրալիր պատասխանեց.
-Ուր Սերն է, այնտեղ են նաեւ Հաջողությունն ու Հարստությունը:
Երբեք չմոռանանք, որ մեզ միշտ առաջնորդում է Սերը. որտեղ սեր կա,
այնտեղ միշտ կլինի ե՛ւ Հարստություն, ե՛ւ Հաջողություն:
>>>
|
|