Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

«ՆԱԽԱԲԺՇԿԱԿԱՆ ՕԳՆՈՒԹՅՈՒՆ»
ԽՈՐԱԳՐՈՎ ԴԱՍԸՆԹԱՑ ՇԻՐԱԿԻ ԹԵՄՈՒՄ

այաստանյայց Առաքելական Եկեղեցու Շիրակի թեմի Առաջնորդ Գերաշնորհ Տ. Միքայել արքեպիսկոպոս Աջապահյանի օրհնությամբ հոկտեմբերի 23-ին, թեմի եկեղեցասեր երիտասարդաց միության անդամների համար, իրականացվեց հետաքրքիր, կարեւոր եւ ուսուցողական դասընթաց «Նախաբժշկական օգնություն» թեմայով:

Դասընթացը կազմակերպվել էր «Միասին» ՀԿ-ի կողմից եւ իրականացվեց Երեւանի Մխիթար Հերացու անվան պետական բժշկական համալսարանի կարիերայի կենտրոնի «Բժշկի ուղի» նախագծի անդամների՝ ուսանողների կողմից: Այն բաղկացած էր տեսական եւ գործնական բաժիններից:

Ապագա բժիշկները ներկաներին մանրակրկիտ ներկայացրին թեման, այսինքն՝ նախաբժշկական օգնության տեսական ու գործնական հիմունքները, որից հետո երիտասարդները, տուժածի եւ բժշկի կարգավիճակով, «կիրառեցին» ստացած գիտելիքները:

Ողջ դասընթացի ժամանակ շուրջ վաթսուն երիտասարդ ակտիվ ու մեծ ոգեւորությամբ մասնակցություն ցուցաբերեց:

Դասընթացից ստացած գիտելիքները կօգնեն մեր երիտասարդներին նախ չվախենալ եւ ապա, հարկ եղած դեպքում, տուժածներին ցուցաբերել ճիշտ ու արագ օգնություն:

Նախքան դասընթացը՝ կազմակերպիչներն ու դասընթացավարները Գյումրու Սուրբ Յոթվերք առաջնորդանիստ մայր եկեղեցում ներկա գտնվեցին մատուցվող Սուրբ եւ անմահ Պատարագին, ապա հանդիպեցին թեմակալ Առաջնորդի հետ՝ ստանալով նրա հայրական օրհնությունն ու իմաստուն պատգամները:

Դասընթացի ավարտին «Միասին» ՀԿ-ի նախագահ Գեւորգ Չիչյանը Շիրակի թեմին հանձնեց շնորհակալագիր՝ ի նշան համագործակցության ու հյուրընկալության, իսկ երիտասարդներն ստացան մասնակցության վկայական:

ԳՈՀԱՐ ԳԱԼԹԱԳԱԶՅԱՆ

>>>