| «ՓՈՒԹԱՍՋԻՐ
ԶԱՆՁՆ ՔՈ ԸՆՏԻՐ ԿԱՑՈՒՑԱՆԵԼ
ԱՌԱՋԻ ԱՍՏՈՒԾՈՅ...»
 զգի
հոգեմտավոր դրսեւորումները, վարքն ու բարքը, ավանդույթները զգայական
ու իմացական ողջ շտեմարանը, իր բոլոր տեսակներով ու տարատեսակներով,
պայմանավորված է գործող կրթական համակարգով:
Առանց ազգային հայեցի կրթական համակարգի՝ չկա եւ չի կարող լինել
հայ մշակույթ, հայ գիտական, հասարակական ու քաղաքական միտք: Իր ներշնչյալ
կյանքով ուսուցիչն օրինակելի դաստիարակ է աշակերտների եւ, ինչու
չէ, նաեւ շրջապատի համար: Մարդու մեծագույն հարստությունը, գանձը
սեփական կյանքի օրինակն է, «զի մարմնոյ կրթութիւն առ սակաւ ինչ օգտակար
է, իսկ աստուածապաշտութիւն առ ամենայն ինչ օգտակար է...» (Ա Տիմ.
Դ 7):
Ուսուցիչը քաղցրահամ աղբյուր է, ամեն մի աշակերտ պետք է նրան մոտենա՝
ըմպելու վերջինիս հոգու աղբյուրից: Որքան մաքուր եւ անարատ լինի
այդ աղբյուրը, որքան սառն ու զուլալ ջուր բխի նրանից, այնքան անարատ
ու մաքրամաքուր կլինի, նաեւ այնտեղից անհագուրդ ջուր կընդունի հոգին:
Արդարեւ, կրթության մշակի ստանձնած պաշտոնը կոչում է, որ պահանջում
է նվիրում, ոգի եւ պատասխանատվություն: Այս ըմբռնումով եւ զգացումով
է մանկավարժի մատուցածն արժեք ստանում եւ կենսավորվում: Խնկարկման
արժանի մեր հայրերի համար կրթարանը, կրթօջախը բարոյականի այն մթնոլորտն
է, որում խմորվում, պատրաստվում է մանկամարդը, պատանին՝ որպես սեփական
երկրի արժանապատիվ քաղաքացի, իր հող ու ջրի, հայրենիքի լիիրավ տեր:
Սեպտեմբերի 5-ին՝ Շիրակի թեմի առաջնորդարանում, տարեմտի առիթով,
նախաձեռնությամբ ՔԴԿ պատասխանատու Տ. Նշան քհն. Պանֆյորովի, տեղի
ունեցավ հանդիպում կիրակնօրյա դպրոցների մի խումբ ուսուցիչների հետ:
Տեր Հայրը նախ ներկաներին շնորհավորեց գիտելիքի, գրի եւ դպրության
օրվա առիթով, ապա ամենից առաջ կարեւորեց, ազգի ապագան կերտող, մատաղ
սերնդի դաստիարակությունը՝ քրիստոնեական բարոյական սկզբունքներով:
Այնուհետեւ նա իր բարեմաղթություններով մեկ անգամ եւս քաջալերեց
ուսուցիչներին հույժ ազգանպաստ գործունեության համար՝ նրանց կոչելով
ազգի մտքի լուսավորիչներ: Կարեւորելով հանդիպման նշանակությունը՝
նաեւ հույս հայտնեց, որ, անշուշտ, բարի ընթացք կունենա նոր ուսումնական
տարին:
Հանդիպումն անցավ ջերմ մթնոլորտում: Երկուստեք փոխանակվեցին մտքեր,
առաջադրված հարցերին տրվեցին սպառիչ պատասխաններ:
ԱԼՎԱՐԴ ԿԱՂԶՎԱՆՑՅԱՆ
>>>
|
|
