ԽԱՉԵՐԹ
ԽԱՉՎԵՐԱՑԻ ՏՈՆԻՆ ԸՆԴԱՌԱՋ
իրակի
թեմի բարեխնամ Առաջնորդ Տ. Միքայել արքեպս. Աջապահյանի օրհնությամբ
թեմի երիտասարդաց միությունը կազմակերպել էր նախատոնական խաչերթ:
Խաչվերացի տոնի նավակատիքին (նախորդ օրը) Սուրբ Եկեղեցու տոնն է:
Եկեղեցին Քրիստոսով ի մի հավաքվելու խորհուրդն ունի, որն ամրագրվեց
մեր Տեր Հիսուս Քրիստոսի Խաչելությամբ եւ հրաշափառ Սուրբ Հարությամբ:
Այս
խորհուրդն ի մտի ունենալով՝ Շիրակի թեմի երիտասարդաց միությունը
որոշեց, Քրիստոսով միացած եւ Խաչի առաջնորդությամբ, սեպտեմբերի 10-ի
երեկոյան կազմակերպել խաչերթ:
Միասնական աղոթքով Խաչի թափորը Սուրբ Ամենափրկիչ եկեղեցու մոտից
սկսեց երթը: Հոգեւոր Հայրերի առաջնորդությամբ թափորը շարժվեց դեպի
Սուրբ Նշան եկեղեցի:
Խաչերթի ընթացքում, շարականների երգեցողությամբ, աղոթքներով, երիտասարդներն
անցորդներին բաժանում էին տոնի մասին տեղեկատվական թերթիկներ:
Խաչի թափորը հասավ Սուրբ Նշան եկեղեցի, ուր նրանց դիմավորեց տեղի
հոգեւոր սպասավոր Տ. Նշան քհն. Պանֆյորովը: Տեր Հայրը խոսեց Խաչի
խորհրդի մասին՝ քաջալերելով երիտասարդների նախաձեռնությունը: Այնուհետեւ
երթի մասնակիցները ներկա գտնվեցին երեկոյան ժամերգությանը:
Հավարտ ժամերգության՝ եկեղեցու բակում, երիտասարդներն ազգային երգ
ու պարով ամբողջացրին տոնական օրը: Նրանց գեղեցիկ պարին հիացմունքով
հետեւում էին ե՛ւ տեղաբնակ, ե՛ւ օտարերկրյա անցորդները, ո-րոնցից
շատերը միացան պարողնին:
ԳՈՀԱՐ ԳԱԼԹԱԳԱԶՅԱՆ
>>>
|
|