Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԹԵՄԻ ԵՐԻՏԱՍԱՐԴՆԵՐԻ ՀԱՆԴԻՊՈՒՄԸ
ԳՈՒՍԱՆԱԳՅՈՒՂ ՀԱՄԱՅՆՔՈՒՄ

իրակի թեմի բարեխնամ Առաջնորդ Տ. Միքայել արքեպիսկոպոս Աջապահյանի օրհնությամբ սկսեցինք Երիտասարդաց հանդիպումների շարք:

Օգոստոսի 8-ին Տ. Մակար քահանա Գալամդարյանը եւ երեցկին Գոհար Գալթագազյանն այցելեցին Գուսանագյուղ, ուր, գյուղի հոգեւոր հովիվ Տ. Հակոբ քահանա Գրիգորյանի աջակցությամբ, կազմակերպվել էր հանդիպում գյուղի երիտասարդների հետ:

Տեղի Սուրբ Աստվածածին եկեղեցում, աղոթքից հետո, երիտասարդները ներկայացրին իրենց գյուղը, գյուղի պատմությունը, այցելեցին ամրոց, որից հետո միասին քայլեցին դեպի, երիտասարդների նախաձեռնությամբ ստեղծված, «Homo Legens» գրադարան:

Այստեղ տեղի ունեցավ հետաքրքիր քննարկում՝ լի հարցերով, գաղափարների ներկայացմամբ ու հոգեւոր ծրագրերի մշակմամբ թե՛ ներհամայնքային եւ թե՛ թեմի շրջանակներում:

Արդյունքը երկար սպասեցնել չտվեց եւ հանդիպման տրամաբանական շարունակությունը եղավ, երիտասարդների կողմից կազմակերպված, Սուրբ Աստվածածնի Վերափոխման տոնի՝ Խաղողօրհնեքի տոնախմբումը:

Օգոստոսի 15-ին մեծ տոնակատարություն էր Գուսանագյուղում: Սուրբ Աստվածածին եկեղեցում (ուր ի դեպ վերանորոգման աշխատանքներ են ընթանում) կատարվեց խաղողօրհնության կարգ: Այնուհետեւ տոնը նշվեց եկեղեցու բակում՝ ազգային երգ ու պարով, ասմունքով:

Եկեղեցու բակում գյուղի երիտասարդները, ովքեր թիմ էին ստեղծել եւ իրենց անվանակոչել «Կայծ ու բոց», ներկայացրին սեփական ձեռագործ աշխատանքները:

Հանդիսույթի վերջում բոլորը բարձր տրամադրությամբ ու մեծ ոգեւորությամբ վերադարձան տուն:

ԳՈՀԱՐ ԳԱԼԹԱԳԱԶՅԱՆ

>>>