ՔԱՌՕՐՅԱ
ՍԵՄԻՆԱՐ-ՀԱՎԱՔ
իրակի
թեմի Առաջնորդ Տ. Միքայել արքեպս. Աջապահյանի օրհնությամբ թեմի երիտասարդները
քառօրյա սեմինար-հավաք անցկացրին «Վերադարձ դեպի բնություն» ճամբարում:
Ճամբարականները երիտասարդներին դիմավորեցին հայրենասիրական միջոցառումով,
որ տպավորիչ էր ու ոգեւորող: Արդյունքում գողտրիկ հայտագիրը շարոնակվեց
միասնական ազգագրական պարերով:
Բարեշնորհ Արմեն եւ Արտաշես սարկավագների առաջնորդությամբ օրերն
սկսվում էին Սուրբ Սարգիս մատուռում՝ ժամերգությամբ:
Երիտասարդները ճամբարականների հետ մեկնեցին նաեւ հայրենագիտական
արշավների, որոնց ընթացքում բնության հետ ներդաշնակության յուրօրինակ
պահեր ապրեցին:
«Եկեղեցու
երիտասարդի ունակությունները՝ արժեք, հմտություն, գիտելիք» թեմայով
դասախոսություն կարդաց երեցկին Գոհար Գալտագազյանը: Մասնակիցները
եկան մի եզրահանգման, որ շատ կարեւոր է այն, թե ինչ արժեքներ է կրում
երիտասարդը: Եթե արժեհամակարգը խարիսխված չէ հոգեւոր ու ազգային
ժառանգության վրա, ապա հմտությունն ու գիտելիքը կարող են չարիք դառնալ:
Առանձնահատուկ եւ ուրախալի էր թեմակալ Առաջնորդ Միքայել Սրբազանի
այցը ճամբար: Մեծ ոգեւորությամբ բոլորը դիմավորեցին նրան եւ համատեղ
անմոռաց օր ունեցան: Սեմինար-հավաքի վերջին օրը երիտասարդներն այցելեցին
«Արփի» ազգային պարկ եւ հիացան տեղի գեղեցկությամբ:
Հոգեւորով, ազգային երգ ու պարով, մարզական խաղերով հագեցած չորս
օրերն անցան ակնթարթի պես: Վերջին խարույկն ազդարարեց, որ հոգեշահ
ու հրաշք օրերն ավարտվեցին՝ նոր սկիզբ դնելով թեմի երտասարդների
միատեղ ու միակամ ծրագրերին՝ ի փառս Աստուծո, ի պայծառություն Շիրակի
թեմի, ի զորացում մեր Հայրենիքի եւ ի անդրադարձումն մեր ինքնությանը:
ԳՈՀԱՐ ԳԱԼԹԱԳԱԶՅԱՆ
>>>
|
|