«ՎԵՐԱԴԱՐՁ
ԴԵՊԻ ԲՆՈՒԹՅՈՒՆ» ՃԱՄԲԱՐՈՒՄ
իրակի
թեմի «Վերադարձ դեպի բնություն» ճամբարը, թեմակալ Առաջնորդ Տ. Միքայել
արքեպս. Աջապահյանի օրհնությամբ, այս տարի իր աշխատանքը մեկնարկեց
հուլիսի 10-ին: Երեք հերթափոխով ճամբարում հանգստացավ յոթանասուներկու
երեխա՝ Գյումրի, Ախուրյան, Ազատան, Մարալիկ, Ամասիա համայնքներից:
Երեխաների առօրյան անցավ շատ հետաքրքիր: Առաջին հերթափոխին նրանք
մասնակցեցին մեծաթիվ արշավների: Հուլիսի 14-ին ճամբար այցելեցին
Արփի լճի ազգային պարկի աշխատակիցները, ովքեր, սլայդների միջոցով,
երեխաներին ծանոթացրին Արփի լճի ազգային պարկի ֆլորա-ֆաունայի հետ:
Հունիսի 15-ին ճամբարում էին սահմանապահ ուղեկալի սահմանապաները:
Սպասված հյուրերին երեխաները դիմավորեցին մեծ ուրախությամբ: Սահմանապաներն
անցկացրին զինպատրաստության առաջին դասը եւ պատմեցին իրենց ծառայության
մասին:
Երկրորդ
հերթափոխի մեկնարկը տրվեց հուլիսի 17-ին: Երեխաների հետ ճամբար այցելեց
արգենտինահայ կամավոր Մարտին Անանիկյանը, ով է՛լ ավելի հետաքրքիր
դարձրեց ճամբարականների առօրյան: Մարտինը, լինելով սկաուտական բազում
ճամբարների մասնակից, երեխաների համար կազմակերպում էր տարաբնույթ
խաղեր, ինչպես նայեւ անցկացնում իսպաներենի ու դաշնամուրի դասեր:
Ճամբարային մեկ օրը բավական չէր՝ իրականացնելու այն ամենը, որ կազմակերպիչները
պատրաստել էին երեխաների համար: Հետաքրքիր դասերը, սպորտլանդիաները,
վիկտորինաները, մրցույթները հաջորդում էին մեկը մյուսին: Ամեն տարվա
նման՝ բոլոր հերթափոխներին ճամբար այցելեց Ամասիայի տարածաշրջանի
հոգեւոր հովիվ Տ. Գարեգին քհն. Սարգսյանը եւ կատարեց Սուրբ Մկրտության
արարողություն:
Հուլիսի 29-ին ճամբար այցելեց եւ իր օրհնությունը ճամբարականներին
բաշխեց Շիրակի թեմի բարեխնամ Առաջնորդ Տ. Միքայել արքեպս. Աջապահյանը:
Սրբազան Հայրը նաեւ անհատական օրհնեց ամենքին եւ երեխաներից տեղեկացավ,
թե արդյոք իրենց դուր գալիս է հանգիստը թեմապատկան ճամբարում: Բոլորը
միաձայն իրենց գոհունակությունը հայտնեցին: Նույն օրը՝ երեկոյան,
ավանդական խարույկն ազդարարեց ճամբարի փակումը: Խարույկի շուրջ շուրջպար
բռնեցին ճամբարականները՝ ավանդական դհոլ զուռնայով:
Այս
տարի «Շեն» ԲՀԿ ֆինասավորել էր ճամբարի երկու հերթափոխների աշխատանքը,
իսկ երրորդ հերթափոխը ֆինասավորել էին նորվեգացի բարերար Օլա Օստվեյտն
ու մոսկվացի մեր համաքաղաքացի Արտյոմ Աբգարյանը:
Խորին շնորհակալություն բոլոր բարի կամքի տեր մարդկանց, քանզի բարեգործ
լինելը շատ ունենալուց չէ, այլ՝ ցանկանալուց…
ԼՈՒՍԻՆԵ ԳՐԻԳՈՐՅԱՆ
>>>
|
|