ՆՈՐ
ԴԱՍԸՆԹԱՑ ՍՈՒՐԲ ՀԱԿՈԲԻ ՄՇԱԿՈՒԹԱՅԻՆ ԲԱԺՆՈՒՄ
յումրու
Անի թաղամասի Սուրբ Հակոբ եկեղեցու մշակութային բաժնի սաների համար
կազմակերպված մասնագիտական կողմնորոշման դասընթացն իրականացնում
է «Հաջողության բանալի» հասարակական կազմակերպությունը՝ Ա.Դ. Սախարովի
անվան մարդու իրավունքների պաշտպանության հայկական կենտրոնի ֆինանսավորմամբ:
Դասընթացի նպատակն է նպաստել երեխաների` աշխատաշուկայում առկա պահանջարկի
եւ զարգացումների մասին իրազեկվածության մակարդակի բարձրացմանը:
Հունիսի
7-ին Սուրբ Հակոբ եկեղեցում անցկացվեց դասընթաց «Մասնագիտությունների
ճիշտ ընտրություն» խորագրով, որին մասնակցում էին Սուրբ Հակոբի մշակութային
բաժնի օրինակելի սաները: Դասընթացի սկզբում տրվեց հյուրասիրություն,
որի ընթացքում նաեւ տեղի ունեցավ սլայթների ցուցադրություն՝ կապված
տարատեսակ մասնագիտությունների հետ:
Խոսվեց տարբեր մասնագիտությունների անհրաժեշտությունից, անցկացվեց
աշխույժ քննարկում: Այնուհետև դասընթացավարները ցանկություն հայտնեցին
տեղեկանալ յուրաքանչյուրիս ընտրած մասնագիտության մասին, ինչի վերաբերյալ
էլ տվեցին օգտաշատ խորհուրդներ, որոնք մեզ անհրաժեշտ կլինեն հետագայում:
Տրվեց տեղեկատվություն արդի մասնագիտությունների վերաբերյալ, որոնք
ժամանակի ընթացքում դուրս չեն մնա աշխատաշուկայից: Պարզեցինք Հայաստանում
մեծ պահանջարկ ունեցող տասն արդի մասնագիտություննեը: Այդ բնագավառում
գործատուին անհրաժեշտ են խելացի ու բանիմաց մասնագետներ:
Երեխաներից շատերը, զրույցի արդյունքում, փոխեցին իրենց մասնագիտական
կողմնորոշումը, քանզի պարզ դարձավ, որ դրանք մի քանի տարուց կռոբոտացվեն
կամ կթվայնացվեն եւ մարդկային գործոնի կարիք այլեւս չի լինի:
Վերջում դասընթացավարներն անցկացրին անանուն հարցում՝ կապված իրենց
անցկացրած դասընթացի օգտակարության, բավարար գիտելիքներ փոխանցելու
կարողության, ինչպես նաեւ դասընթացի ուժեղ ու թույլ կողմերի վերաբերյալ:
Շնորհակալություն ենք հայտնում դասընթացավարներին ու կազմակերպիչներին՝
յուրահատուկ դասընթացի եւ օգտակար խորհուրդների համար:
ԴԻԱՆՆԱ ՊԵՏՐՈՍՅԱՆ
ԴԱՍԸՆԹԱՑԻ ՄԱՍՆԱԿԻՑ
>>>
|
|