Լրահոսից
6 փետրվարի - Առաջնորդանիստ Ս. Աստվածածին
մայր եկեղեցում Սուրբ եւ անմահ Պատարագ մատուցեց Տ. Թաթուլ ավգ.
քհն. Հակոբյանը: Հընթացս սրբազան արարողության՝ «Հայր մեր»-ից առաջ,
օրվան պատշաճող քարոզ խոսեց պատարագիչ Տեր Հայրը:
Նույն օրն Առաջնորդ Սրբազան Հայրը եղավ Անի թաղամասի Ս. Հակոբ եկեղեցում,
ուր օրվա պատարագիչն ու քարոզխոսն էր Տ. Ռուբեն քհն. Գասպարյանը:
Սրբազան արարողակարգի ընթացքում՝ «Հայր մեր»-ից առաջ, օրվան համահունչ
ոգեշինիչ քարոզ խոսեց պատարագիչ Տեր Հայրը: Հավարտ Սուրբ Պատարագի
Տեր Հայրը ներկա երիտասարդներին բաշխեց իր հայրական օրհնությունը:
12 փետրվարի - Սուրբ Սարգսի տոնի ուրախ առիթով
Ս. Սարգիս մատուռում մատուցվեց Սուրբ եւ անմահ Պատարագ: Օրվա պատարագիչն
էր Տ. Հովհաննես քհն. Ալեքսանդրյանը:
13 փետրվարի - Սուրբ Յոթվերք մայր եկեղեցում Սուրբ
եւ անմահ Պատարագ մատուցվեց ձեռամբ Տ. Ստեփանոս քհն. Ավետիսյանի:
Հընթացս սրբազան արարողակարգի՝ «Հայր Մեր»-ից առաջ, ոգեշինիչ քարոզ
խոսեց պատարագիչ Տեր Հայրը:
Նույն օրը Սուրբ Աստվածածին եկեղեցում, հավարտ երեկոյան ժամերգության,
կատարվեց նախատոնակ, որից հետո Վարդանանց հրապարակում կատարվեց անդաստան:
14 փետրվարի - Տյառնընդառաջ, տոն քառասնօրյա գալստյան
Քրիստոսի ի Տաճարն: Տոնի ուրախ առիթով Ս. Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Շիրակ ավգ. քհն.
Առաքելյանը: Սրբազան արարողակարգի ընթացքում՝ «Հայր մեր»-ից առաջ,
հանգամանալից քարոզ խոսեց Տ. Ստեփանոս քհն. Ավետիսյանը:
20 փետրվարի - Առաջնորդանիստ Ս. Աստվածածին մայր
եկեղեցում, ձեռամբ Տ. Շիրակ ավգ. քհն. Առաքելյանի, մատուցվեց Սուրբ
եւ անմահ Պատարագ: Հընթացս Սուրբ Պատարագի՝ «Հայր մեր»-ից առաջ,
հավուր պատշաճի քարոզ խոսեց Տ. Ստեփանոս քհն. Ավետիսյանը:
Նույն օրը Միքայել Սրբազանն այցելեց Անի թաղամասի Ս. Հակոբ եկեղեցի,
ուր Սուրբ եւ անմահ Պատարագ էր մատուցում Տ. Ռուբեն քհն. Գասպարյանը:
24 փետրվարի - Սրբոց Վարդանանց զորավարացն մերոց՝
հազար երեսուն եւ վեց վկայիցն: Ս. Յոթվերք եկեղեցում Սուրբ եւ անմահ
Պատարագ մատուցեց Տ. Թաթուլ ավգ. քհն. Հակոբյանը: Հընթացս սրբազան
արարողակարգի, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի անվանակոչության
տոնի կապակցությամբ, կատարվեց Հայրապետական մաղթանք:
27 փետրվարի - Բուն Բարեկենդան: Առաջնորդանիստ
Ս. Յոթվերք եկեղեցում մատուցվեց Սուրբ եւ անմահ Պատարագ՝ ձեռամբ
Տ. Թաթուլ ավգ. քհն. Հակոբյանի: Սրբազան արարողության ընթացքում՝
«Հայր մեր»-ից առաջ, օրվան պատշաճող քարոզ խոսեց Տ. Ստեփանոս քհն.
Ավետիսյանը:
>>> |
|