| Մանուկներին՝
Սրբազան Պատմություն
ԱՌԱԿ ՊԱՀԱԿԻ ԵՎ MICROSOFT-Ի ՄԱՍԻՆ
 ի
մարդ հարցազրույցի է գնում՝ աշխատանքի ընդունվելու ցանկությամբ:
Կադրերի բաժնում նրան հարցեր են տալիս, իսկ հարցազրույցի վերջում
խնդրում, որ էլեկտրոնային հասցե թողնի՝ կապ պահպանելու համար:
 -
Ի՞նչ էլեկտրոնային հասցե,- զարմանում է տղամարդը,- ես համակարգիչ
չունեմ:
- Այդ դեպքում մենք չենք կարող ձեզ աշխատանքի ընդունել: Դուք վիրտուալ
առումով գոյություն չունեք,-պատասխանում են նրան:
Տղամարդը մի փոքր նեղսրտում է… Նայում է` գրպանում ընդամենը 10 դոլլար
է: Ի՞նչ անի: Նա գնում է շուկա, գնում մի կիլոգրամ խնձոր ու սկսում
շրջել տներով եւ խնձոր առաջարկել: Մի քանի ժամ անց նրան հաջողվում
է կրկնապատկել իր կապիտալը: Հետո նա էլի է խնձոր գնում ու նորից
հաջողությամբ վաճառում այն:
Այդ օրը նա աշխատում է 100 դոլլար ու հասկանում, որ նման եկամտով
կարելի է ապրել:
Ամեն առավոտ գնում է շուկա, խնձոր գնում ու տներով շրջելով վաճառում:
Այդպես որոշ ժամանակ անց նա մեքենա է գնում, խնձոր առաքող ընկերություն
բացում, իսկ մի քանի տարի անց արդեն մթերային խանութների ցանց է
ստեղծում:
Եվ ահա, շատ տարիներ անց, նա որոշում է ապահովագրել իր ու իր մտերիմների
կյանքը: Արդեն մեծահարուստ տղամարդը խորհրդակցում է ապահովագրական
գործակալի հետ, իսկ վերջինս հրաժեշտից առաջ խնդրում է նրան էլեկտրոնային
փոստի հասցե թողնել, ինչին գործարարը, ինչպես եւ տարիներ առաջ, պատասխանում
է.
- Չունեմ ես էլեկտրոնային հասցե եւ համակարգիչ էլ չունեմ, դրանք
ինձ ուղղակի պետք չեն:
- Չի կարող պատահել,- զարմանում է գործակալը,- Դուք հարուստ եք,
մեծ բիզնեսի տեր ու անգամ էլեկտրոնային հասցե չունե՞ք: Միայն մտածեք,
թե ինչ բարձունքների կկարողանայիք հասնել, եւ ով կդառնայիք, եթե
էլէկտրոնային հասցե ունենայիք:
- Այո, ես Microsoft-ի պահակը կլինեի,- պատասխանում է գործարարը
եւ հեռանում:
>>>
|
|
