| Լրահոսից
5 հունիսի - Սուրբ Գրիգոր Լուսավորչի
վիրապից ելնելու տոնի ուրախ առիթով Սուրբ Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն ու քարոզխոսն էր Տ. Ավետիք
աբղ. Սողոմոնյանը:
Նույն օրը Ս. Գրիգոր Լուսավորիչ եկեղեցում, ձեռամբ Տ. Փավստոս քհն.
Սարգսյանի, մատուցվեց Սուրբ եւ անմահ Պատարագ:
6 հունիսի - Տոն Կաթողիկե Ս. Էջմիածնի: Առաջնորդանիստ
Ս. Աստվածածին մայր եկեղեցում Սուրբ եւ անմահ Պատարագ մատուցեց Տ.
Ավետիք աբղ. Սողոմոնյանը: Սրբազան արարողակարգի ընթացքում՝ «Հայր
մեր»-ից առաջ, կատարվեց Հայրապետական մաղթանք:
13 հունիսի - Ս. Յոթվերք եկեղեցում մատուցվեց Սուրբ
եւ անմահ Պատարագ: Օրվա պատարագիչն էր Տ. Շիրակ ավգ. քհն. Առաքելյանը:
Սրբազան արարողակարգի ընթացքում՝ «Հայր մեր»-ից առաջ, օրվա խորհրդին
համահունչ քարոզ խոսեց Տ. Ավետիք աբղ. Սողոմոնյանը:
19 հունիսի - Գյուտ նշխարաց: Տոնի ուրախ առիթով
Ս. Աստվածածին առաջնորդանիստ եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Թաթուլ ավգ. քհն. Հակոբյանը: Հընթացս
սրբազան արարողակարգի՝ «Հայր մեր»-ից առաջ, տոնին համահունչ քարոզ
խոսեց պատարագիչ Տեր Հայրը:
Նույն օրը Ս. Գրիգոր Լուսավորիչ եկեղեցում մատուցվեց Սուրբ եւ անմահ
Պատարագ: Օրվա պատարագիչն ու քարոզխոսն էր Տ. Փավստոս քհն. Սարգսյանը:
20 հունիսի - Ս. Յոթվերք մայր եկեղեցում Սուրբ
եւ անմահ Պատարագ մատուցվեց ձեռամբ Տ. Թաթուլ ավգ. քհն. Հակոբյանի:
Սրբազան արարողակարգի ընթացքում՝ «Հայր մեր»-ից առաջ, հավուր պատշաճի
քարոզ խոսեց պատարագիչ Տեր Հայրը:
27 հունիսի - Գյուտ տփո Ս. Աստվածածնի: Ս. Յոթվերք
մայր եկեղեցում մատուցվեց Սուրբ եւ անմահ Պատարագ: Օրվա պատարագիչն
ու քարոզխոսն էր Տ. Ավետիք աբղ. Սողոմոնյանը:
Նույն օրը թեմակալ Առաջնորդն այցելեց Շիրակավան եւ տեղի եկեղեցում
մասնակցեց, Տ. Հակոբ քհն. Գրիգորյանի ձեռամբ մատուցվող, Սուրբ եւ
անմահ Պատարագին:
>>> |
|
