ԵՐԲ
ԱՍՏՎԱԾ ՀԱՅՏՆՎՈՒՄ Է ՄԵՐ ԿՅԱՆՔՈՒՄ
ստված
գոնե մեկ անգամ հայտնվում է մեզանից յուրաքանչյուրի կյանքում: Ավելին,
նա կարող է հայտնվել ցանկացած տեսքով, եւ մեր կյանքը կդասավորվի
կախված նրանից, թե ինչպես ենք մեզ պահում այդ հանդիպման պահին:
Ժամանակին
մի մարդ կար: Նա երեք երազանք ուներ՝ լավ աշխատանք ունենալ բարձր
աշխատավարձով, ամուսնանալ մի գեղեցիկ, բարի աղջկա հետ եւ հայտնի
դառնալ ամբողջ աշխարհում: Ձմռան մի ցուրտ առավոտ երիտասարդը շտապում
էր հարցազրույցի՝ հայտնի ընկերությունում: Հանդիպմանը հինգ րոպե
էր մնացել, եւ նա ստիպված էր վազել: Հանկարծ մի տարեց մարդ սայթաքեց
ու ընկավ հենց նրա դիմաց:
Մեր հերոսը նայեց մարդուն, որոշեց, որ նա հարբած է եւ, առանց ձեռքերը
մեկնելու, շարունակեց վազել: Բարեբախտաբար նա ժամանակին հասավ հարցազրույցին,
բայց նրան չընդունեցին: Ամառային տաք երեկո էր, եւ այդ նույն մարդը
շրջում էր քաղաքում: Նկատելով փողոցային դերասանների թատերախումբը՝
նա կանգ առավ՝ վայելելու այդ տեսարանը: Թեպետ քիչ հանդիսատես կար,
սակայն ներկայացումը զվարճալի էր ու հուզիչ:
Ներկայացումից հետո հնչեցին ծափահարություններ, եւ մարդիկ սկսեցին
ցրվել: Այս մարդը նույնպես պատրաստվում էր հեռանալ, բայց ինչ-որ
մեկը երկչոտորեն դիպավ նրա ուսին:
Դա ներկայացման գլխավոր հերոսն էր՝ ծեր ծաղրածու մի կին: Կինն սկսեց
հարցնել նրան այն մասին, թե արդյոք վերջինիս դուր եկա՞վ ներկայացումը,
արդյոք գո՞հ է դերասաններից: Բայց մարդը չցանկացավ զրուցել եւ, զզվանքով
շրջվելով, գնաց տուն:
Աշնանային մի անձրեւոտ երեկո մեր հերոսը շտապում էր տուն: Նա դժվար
օր էր ունեցել եւ երազում էր շուտ տուն հասնել, լողանալ ու քնել
տաք, փափուկ անկողնում: Հանկարծ լսեց ինչ-որ մեկի հեկեկոցը: Մի կին
էր արտասվում: Նա նստած էր մեր հերոսի տան մոտ գտնվող նստարանին:
Կինը միայնակ էր, առանց անձրեւանոցի: Նկատելով մեր հերոսին՝ նա օգնություն
խնդրեց, քանի որ իսկապես ցանկանում էր սրտանց խոսել մեկի հետ: Մարդը
մրթմրթաց, որ սարսափելի զբաղված է եւ շտապեց դեպի մուտքը:
Տարիներ անց նա մահացավ եւ երկնքում հանդիպեց իր պահապան հրեշտակին:
- Ես միանգամայն թշվառ ու անարժեք կյանք եմ ապրել: Ես երեք երազանք
ունեի, բայց ոչ մեկը չիրականացավ: Ափսոս…
- Հըմ… Ընկերս, ես ամեն ինչ արեցի, որպեսզի քո բոլոր երազանքներն
իրականություն դառնան, բայց դրա համար պետք էր միայն մեկ անգամ ձեռք
տալ, բացել աչքերդ ու ջերմացնել սիրտդ:
- Ինչի՞ մասին ես խոսում:
- Հիշո՞ւմ ես այն մարդուն, ով ընկել էր ձմեռային սայթաքուն ճանապարհի
վրա: Այդ մարդն այն գործադիր տնօրենն էր, որի մոտ ցանկանում էիր
աշխատանքի անցնել: Քեզ գլխապտույտ կարիերա էր սպասվում: Քեզանից
պահանջվում էր միայն ձեռք մեկնելը: Հիշո՞ւմ ես ծեր ծաղրածուին, ով,
փողոցային շոուից հետո, հարցերով մոտեցավ քեզ: Դա մի գեղեցիկ երիտասարդ
դերասանուհի էր, ով սիրահարվեց քեզ առաջին հայացքից: Երջանիկ ապագա
էր սպասում քեզ, երեխաներ, մեծ սեր: Քեզանից պահանջվում էր միայն
բացել աչքերդ:
Հիշո՞ւմ ես լացող կնոջը մուտքի մոտ: Հայտնի գրող էր: Նա ընտանեկան
ճգնաժամ էր ապրում եւ իրոք զգացմունքային աջակցության կարիք ուներ:
Եթե օգնեիր նրան տաքանալ քո բնակարանում, լսել ու սփոփել նրան, նա
մի գիրք կգրեր, որում կպատմեր այս միջադեպի մասին: Գիրքը հայտնի
կդառնար ամբողջ աշխարհում, ինչպես եւ դու: Իսկ դու անուշադիր էիր,
ընկերս:
Հազար ափսոս, որ մեզանից յուրաքանչյուրն իր կյանքում հանդիպում է
Աստծուն փակ աչքերով ու քարացած սրտով եւ չի կարողանում ըստ արժանվույն
գնահատել այդ հանդիպումը:
>>>
|
|