 |
|
||||||
|
|
| «ԹԵ ԱՍԵՄ՝ ԲՈՑ ԿԼԻՆԻ, ԹԵ ՉԱՍԵՄ՝ ԽՈՑ ԿԼԻՆԻ» ԵՀԽ հայաստանյան «Կլոր սեղան»
հիմնադրամի նախաձեռնությամբ Շիրակի թեմի սոցիալ-կրթական կենտրոնում
տարվա ընթացքում անցկացվեցին, հակամարտությունների փոխակերպմանը
նվիրված, ոչ ֆորմալ կրթական դասընթացներ: Նախ, որպես դասընթացավարներ,
վերապատրաստվեցին կենտրոնի աշխատակիցները, ապա ստացած գիտելիքներն
արդեն փոխանցեցին ինչպես մյուս աշխատակիցներին, այնպես էլ միջին
ու բարձրագույն կրթական հաստատությունների ուսանողներին: ԱՆԱՀԻՏ ՀԱՐՈՒԹՅՈՒՆՅԱՆ |
|||
Դասընթացների
ժամանակ հիմնական ասելիքը մեկն էր. «Թե ասեմ՝ բոց կլինի, թե չասեմ՝
խոց կլինի...»: Սեւակյան այս տողերը լավագույն բնորոշումն են կոնֆլիկտի.
ի վերջո ասե՞լ, թե՝ չասել… Կոնֆլիկտն անհրաժե՞շտ է, թե միայն պետք
է խուսափել կոնֆլիկտներից: Բազմակարծության, տեսակետների բախման,
համաձայնության ու զիջումների դրական ու բացասական կողմերն ուսումնասիրելուց
հետո, դասընթացների ընթացքում յուրաքանչյուր մասնակից գտավ իր սեփական
դիրքորոշումն ու ճիշտ տարբերակը: 
«Հակամարտությունների
փոխակերպում» դասընթացն օգնել է, որպեսզի երիտասարդներն ստանան բազային
գիտելիք կոնֆլիկտների ծագման եւ զարգացման օրինաչափությունների վերաբերյալ,
զարգացնեն կոնֆլիկտների հետ աշխատանքի վերլուծական ունակությունները,
նպաստեն կոնֆլիկտների ստեղծագործական փոխակերպմանը, ոչ ստանդարտ
ու նորարարական մտածելակերպի ձեւավորմանը: Այն նաեւ կօգնի փոխել
վերաբերմունքն ինչպես կոնֆլիկտների ընկալման, այնպես էլ դրանց փոխակերպման
հնարավորությունների նկատմամբ: 