Լրահոսից
1 հունվարի - Կաղանդ, տարեմուտ:
Առաջնորդանիստ Ս. Աստվածածին մայր եկեղեցում մատուցվեց Սուրբ եւ
անմահ Պատարագ: Օրվա պատարագիչն էր Տ. Շիրակ ավգ. քհն. Առաքելյանը:
Հընթացս սրբազան արարողակարգի՝ «Հայր մեր»-ից առաջ, օրվա խորհուրդը
մեկնող քարոզ խոսեց Տ. Ավետիք աբղ. Սողոմոնյանը: Սուրբ Պատարագի
ընթացքում կատարվեց Հայրապետական մաղթանք:
5 հունվարի - Ճրագալույց: Առաջնորդանիստ Ս. Աստվածածին
եկեղեցում ճրագալույցի Սուրբ Պատարագ մատուցվեց ձեռամբ Տ. Շիրակ
ավգ. քհն. Առաքելյանի: Սրբազան արարողակարգի ընթացքում՝ «Հայր մեր»-ից
առաջ, հավուր պատշաճի քարոզ խոսեց Տ. Ավետիք աբղ. Սողոմոնյանը:
6 հունվարի - Տոն Ս. Ծննդյան եւ Աստվածահայտնության:
Ս. Յոթվերք, Ս. Նշան, Ս. Հակոբ, Ս. Գրիգոր Լուսավորիչ եւ Ս. Հռիփսիմե
եկեղեցիներում մատուցվեց Ս. Ծննդյան Սուրբ եւ անմահը Պատարագ: Օրվա
պատարագիչներն էին Շիրակի թեմի Առաջնորդ Տ. Միքայել արքեպս. Աջապահյանը,
Տ. Նշան քհն. Պանֆյորովը, Տ. Վարուժան քհն. Տերտերյանը, Տ. Փավստոս
քհն. Սարգսյանը եւ Տ. Արսեն ավգ. քհն. Սիմոնյանը:
7 հունվարի - Հիշատակ մեռելոց: Ս. Աստվածածին եկեղեցում
Սուրբ եւ անմահ Պատարագ մատուցեց Տ. Թաթուլ ավգ. քհն. Հակոբյանը:
12 հունվարի - Ս. Յոթվերք եկեղեցում մատուցվեց
Սուրբ Պատարագ: Օրվա պատարագիչն էր Տ. Թաթուլ ավգ. քհն. Հակոբյանը:
Սրբազան արարողակարգի ընթացքում՝ «Հայր մեր»-ից առաջ, օրվան համահունչ
քարոզ խոսեց պատարագիչ Տեր Հայրը:
13 հունվարի - Տոն անվանակոչության Տյառն մերո
Հիսուսի Քրիստոսի: Տոնի ուրախ առիթով Ս. Աստվածածին եկեղեցում Սուրբ
եւ անմահ Պատարագ մատուցեց Տ. Ավետիք աբղ. Սողոմոնյանը եւ հավուր
պատշաճի մեկնեց օրվա խորհուրդը:
14 հունվարի - Տոն ծննդյան Ս. Հովհաննես Կարապետի:
Ս. Յոթվերք եկեղեցում, հավարտ երեկոյան ժամերգության, հանդիսվոր
թափորով դուրս բերվեց Ս. Հովհաննես Մկրտչի Ս. Աջը՝ ի երկրպագություն
ներկա մեծաթիվ հավատացյալների:Հիշեցնենք, որ մասունքը վաղուց ի վեր
պահվում է Ս. Յոթվերք եկեղեցում:
19 հունվարի - Սուրբ Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Ավետիք աբղ. Սողոմոնյանը:
Հընթացս սրբազան արարողակարգի՝ «Հայր մեր»-ից առաջ, ոգեշունչ քարոզ
խոսեց պատարագիչ Հայր Սուրբը:
26 հունվարի - Ս. Աստվածածին եկեղեցում, ձեռամբ
Տ. Թաթուլ ավգ. քհն. Առաքելյանի, մատուցվեց Սուրբ եւ անմահ Պատարագ,
հընթացս որի՝ «Հայր մեր»-ից առաջ, հանգամանալից քարոզ խոսեց պատարագիչ
Տեր Հայրը:
>>> |
|