| ԲԱՐԵԳՈՐԾՈՒԹՅՈՒՆԸ
ՀՈԳՈՒ ՊԱՐՏՔ
 րեցօր
ծաղկող Գյումրիում գնալով մեծանում են հետաքրքրությունները թե՛ մեծերի
եւ թե՛ փոքրերի համար:
 Այս
տարվա օգոստոսի 8-ից մեր քաղաքում իր գործունեությունն է ծավալում
«Ույուտ դելֆինարիում» ընկերությունը: Տնօրեն Թորգոմ Գեւորգյանը
պատմում է, որ ներդրողը կամ ծրագիրն իրականացնողը Գագիկ Պետրոսյանն
է, ով, լսելով վարչապետի հորդորը, առաջիններից մեկն էր, որ, բնակվելով
արտերկրում, իր բիզնեսը տեղափոխեց հայրենի քաղաք: Ի դեպ Գագիկ Պետրոսյանը
հայտնի է մի շարք բարեգործություններով: Գյումրիում նրա միջոցներով
է կանգնեցվել Շարլ Ազնավուրի արձանը, վերականգնվել Սուրբ Գրիգոր
Լուսավորիչ եկեղեցին:
Հոկտեմբերի 23-ին դելֆինարիումի շոու ծրագիրը բարեգործական բնույթի
էր. հյուրերն էին Անի թաղամասի Սուրբ Հակոբ Մծբնեցի եկեղեցու մշակութային
բաժնի թվով ութսուն սաները՝ Տ. Վարուժան քահանա Տերտերյանի առաջնորդությամբ
եւ ուսուցիչների ուղեկցությամբ:
Հյուրերի թվում էին նաեւ «Էմիլի Արեգակ» կենտրոնի եւ Կարիտասի հոգածության
ներքո գտնվող փոքրիկները:
 Հիշեցնենք,
որ նմանատիպ օրեր էլի են եղել դելֆինարիումում, երբ այս ջերմ հարկի
տակ հյուրընկալվել են են Թռչունյաց տան, ինչպես նաեւ Նանսենի անվան
երեխաների խնամքի տան սաները:
Ջրային շոուի գլխավոր հերոսները երեքամյա ծովակատու Զայամն էր մարզիչ
Պյոտրի հետ եւ սեւծովյան ավազանի աֆալին տեսակի դելֆինները՝ ինը
տարեկան Սաշան եւ 12 տարեկան Քսյուշան՝ մարզիչ Գերմանի հետ:
Նրանք հյուրերի համար պարեցին, ցուցադրեցին տարբեր համարներ: Դելֆինները
նույնիսկ նկարեցին, իսկ նրանց նկարածը աճուրդի հանվեց: Ջրային աշխարհի
այս ներկայացուցիչները ութ տարի արդեն «բեմում» են: Նրանք ունեն
անձնական մարզիչ եւ բժիշկ, ով պարբերաբար բուժզննում է անցկացնում,
կազմում սննդակարգը: Դելֆինները սնվում են ծովային ձկներով: Կենդանիների
համար ստեղծվել են բոլոր պայմանները, իսկ լողավազանի ջուրը սովորական
ջրից վերածել են ծովայինի՝ իր բոլոր տարրերով:
Տնօրեն Թ. Գեւորգյանն առաջիկա ծրագրերից խոսելիս ժպտում է եւ ավելացնում.
«Առաջիկայում ծովակատու Զայային ընկեր ճարելն է եւ նոր ծրագրով հանդես
գալը, որովհետեւ մեր հիմնական նպատակն է դահլիճում տեսնել փայլող
աչուկներով ու ժպտացող երեխաների»:
Սուրբ Հակոբ եկեղեցու մշակութային բաժնի պատասխանատու Լուսինե Գրիգորյանը
շհնորհակալություն է հայտնում գործարար Գագիկ Պետրոսյանին, դելֆինարիումի
տնօրինությանը եւ ողջ աշխատակազմին՝ ջերմ ընդունելության համար:
ՍԵԴԱ ՄԱՐՏԻՐՈՍՅԱՆ
>>>
|
|
