| ԳՅՈՒՏ
ԳՈՏՎՈ ՍՈՒՐԲ ԱՍՏՎԱԾԱԾՆԻ
 կեղեցական
պաշտամունքի մեջ Աստվածամայրը ոչ միայն բոլոր սրբերից, այլեւ հրեշտակներից
էլ բարձր է դասվում: Քրիստոսից եւ խաչից հետո նա ունի ամենաբարձր
պատիվն ու տեղը:
Աստվածամայրն իր Որդու առջեւ համայն աշխարհի ամենամեծ բարեխոսն է:
Նրա բարեխոսությունը հայցելով է սկսվում Ս. Պատարագի արարողությունը,
բազում աղոթքներ անմիջականորեն ուղղված են նրան՝ որպես Աստվածորդուն
ամենամերձ եւ իր գթառատությամբ մեզ ամենից շատ անսացող սուրբ անձնավորության:
Հայ Առաքելական Սուրբ Եկեղեցին, մեծ հարգանք տածելով Սուրբ Մարիամ
Աստվածածնի նկատմամբ, իր տոնացույցում զգալի տեղ է հատկացրել նրան:
Աստվածամորը նվիրված տոներից է նրա գործածած գոտու գյուտի հիշատակությունը:
Գոտին, իր առաջնային ու հիմնական նշանակությունից զատ, որպես խորհրդանիշ
ողջ աշխարհում, սկսած անհիշելի ժամանակներից, ունեցել է նաեւ լայն
կիրառություն: Այն, որպես չարխափան հուռութք եւ պահպանիչ թալիսման,
օգտագործվել է շատ ժողովուրդների, ինչպես եւ հայերիս մոտ: Համամարդկային
խորհրդանշական իմաստներով հարուստ ու ինքնատիպ է, քանի որ համարվել
է իշխանության, հավատարմության, ուժի, արիության, որեւէ գործողության
պատրաստ լինելու ընդհանրական խարհրդանշան: Գոտին նաեւ ապաշխարհության
իմաստ ունի:
Արկադեոս կայսեր օրոք ¥395-408 թթ.¤ Երուսաղեմում գտնվեց Ս. Աստվածածնի
գոտին եւ հատուկ ուշադրությամբ ու հարգանքով տարվեց Պոլիս, ուր հավատացյալները
երկյուղածությամբ ընդառաջ գնացին եւ պատվով ու հարգանքով այն զետեղեցին
եկեղեցում:
Հետագայում՝ 1774 թվականին, երջանկահիշատակ Սիմեոն Երեւանցի Կաթողիկոսն
իր հրատարակած օրացույցում մուծեց «Գյուտ գոտվո» տոնը, որը եւ Հայ
Առաքելական Սուրբ Եկեղեցու տոնակարգի մաս կազմեց: Այսպիսով՝ մեր
եւ քրիստոնեական այլ եկեղեցիներում հիշատակվող Սուրբ Աստվածածնի
գոտու գյուտին նվիրված տոնի հիմքում ընկած են խոնարհության, հավատարմության
ու ողջախոհության իմաստները:
Սեպտեմբերի 1-ին՝ Ս. Աստվածածնի գոտու գյուտի տոնի ուրախ առիթով,
առաջնորդանիստ Ս. Աստվածածին եկեղեցում Սուրբ եւ անմահ Պատարագ մատուցեց
Տ. Շիրակ ավգ. քհն. Առաքելյանը: Հընթացս սրբազան արարողակարգի՝ «Հայր
մեր»-ից առաջ, հոգեհույզ քարոզ խոսեց Տ. Ավետիք աբղ. Սողոմոնյանը:
ԱԼՎԱՐԴ ԿԱՂԶՎԱՆՑՅԱՆ
>>>
|
|
