ԱՎԱՆԴԱԿԱՆ
ԴԱՐՁԱԾ ՈՒԽՏԱԳՆԱՑՈՒԹՅՈՒՆ
վում
է, թե մեր օրերում ինտերնետը կլանել է ամեն ինչ, եւ պատանիներն ու
դեռահասները գնալով հեռանում են իրենց արմատներից ու կրոնից: Բայց
արի ու տես, որ դա ընդամենը թվում է, իսկ չհավատացողներին խորհուրդ
կտամ կիրակի օրերին եկեղեցի այցելել, եւ պարտադիր չէ, որ կիրակին
տոն լինի:
Նոր
սերունդն իր հոգեւոր կրթությունն ստանում է տարբեր եկեղեցիներում
քահանաների կողմից անցկացվող հոգեւոր դասերի ու կիրակնօրյա դպրոցների
միջոցով: Դրանց ավելանում են ուխտագնացությունները, որոնք մի նոր
շունչ են հաղորդում փոքրիկ քրիստոնյաներին:
«Սուրբ Հակոբ» կիրակնօրյայի սաները սեպտեմբերի 15-ին՝ Խաչվերացի
տոնին, վաղ առավոտյան հավաքվելով Սուրբ Հակոբ եկեղեցում, միասնական
աղոթքի կանգնեցին, որից հետո մոտ մեկ եւ կես ժամ ոտքով ճանապարհ
ընկան դեպի Սուրբ Նշան եկեղեցի (ի դեպ, ինչպես հիշում է Սուրբ Հակոբ
եկեղեցու մշակութային բաժնի պատասխանատու Լուսինե Գրիգորյանը, սա
բարի ավանդույթ է դարձել, տարիների ընթացքում սերունդներ են հերթափոխել
իրար, բայց բոլորն էլ մեծագույն սիրով են մասնակցել Սուրբ Խաչին
նվիրված այս ուխտագնացությանը):
Հաղթահարելով մոտ յոթը կիլոմետր՝ փոքրիկ ուխտավորները, կիրակնօրյայի
ուսուցչուհի ընկեր Սեդայի հետ, մի անգամ եւս անդրադարձան օրվա խորհրդին,
ինչպես նաեւ իրենց այս տարվա անելիքներին ու գալիք ուխտագնացություններին:
Ներկա գտնվելով Սուրբ Նշանում մատուցվող Սուրբ Պատարագին՝ կիրակնօրյայի
սաներն ստացան Ս. Հաղորդություն եւ նորոգված սրտերով բաժանվեցին
միմյանցից՝ երեկոյան ժամերգությանն ու Խաչվերացի թափորին մասնակցելու
խոստումով:
ՍԵԴԱ ՄԱՐՏԻՐՈՍՅԱՆ
>>>
|
|