«ՀԵՔԻԱԹ»
ՆԱԽԱԿՐԹԱՐԱՆԸ ՎԵՑ ՏԱՐԵԿԱՆ Է
իրակի
թեմի սոցիալ- կրթական կենտրոնի «Հեքիաթ» նախակրթարանը «ծնվեց» վեց
տարի առաջ՝ հունիսի 3-ին:
Նվիրյալ
աշխատակիցների ու հոգատար վերաբերմունքի շնորհիվ, ինչպես ժողովուրդն
է ասում, հորով-մորով մեծացավ, ունեցավ դժվարին օրեր, բայց կարողացավ
ամուր ու աներեր քայլերով առաջ ընթանալ:
Վեց տարեկան «Հեքիաթ»-ն ապահովում է նախադպրոցական տարիքի երեխաների
խնամքը, դաստիարակությունը, ուսուցումն ու առողջ, էկոլոգիապես մաքուր
սնունդը:
Իհարկե, այս հարցում մեծ է ընտանիքի անդամ «Focus on Children Now»-ի
աջակցությունը, որը թեւ ու թիկունք կանգնեց մեր նորածին երազանքին:
«Հեքիաթ» նախակրթարանի ծննդյան օրը նշեցինք յուրօրինակ բաց դասով,
որը կազմակերպել էր ընկեր Էմիլյան:
Մեր
«Հեքիաթ»-ի հերոսները ռուսերենի իրենց իմացությամբ զարմացրին բոլորիս:
Սաները ռուսերենով հաշվեցին, մրգերի ու բանջարեղենի անունները նշեցին,
նույնիսկ նախադասություններ կազմեցին:
Փոքրիկները պատրաստել էին նաեւ անակնկալ՝ հեքիաթի ռուսերեն բեմականացում
ու երգեր:
Հպարտանում ենք, երբ մեր վեց տարեկան «Հեքիաթ»-ը ոչ միայն դաստիարակում,
այլեւ գիտելիքներով է զինում մանուկներին:
Հեքիաթային այս միջավայրի համար շնորհակալ ենք մեր բարերարներին՝
«Focus on Children Now»-ին, նախակրթարանի բոլոր աշխատակիցներին՝
այս տարիների ընթացքում աշխատած դաստիարակներին, խոհարարներին, մաքրության
պատասխանատուներին, ինչպես նաեւ այն բոլոր կամավորներին, ովքեր,
սրտացավ ու հոգատար վերաբերմունքով, կարողացել են նեցուկ լինել:
ԱՆԱՀԻՏ ՀԱՐՈՒԹՅՈՒՆՅԱՆ
>>>
|
|