ԱՄԵՆԱՅՆ
ՀԱՅՈՑ ԿԱԹՈՂԻԿՈՍՆ ԸՆԴՈՒՆԵՑ
ՇԻՐԱԿԻ ՆՈՐԱՆՇԱՆԱԿ ՄԱՐԶՊԵՏԻՆ
արտի
4-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք եւ Ամենայն
Հայոց Կաթողիկոսը Մայր Աթոռ Սուրբ Էջմիածնում ընդունեց Շիրակի նորանշանակ
մարզպետ պրն. Տիգրան Պետրոսյանին՝ ուղեկցությամբ Շիրակի թեմի բարեխնամ
Առաջնորդ Գերաշնորհ Տ. Միքայել արքեպիսկոպոս Աջապահյանի:
Ամենայն
Հայոց Կաթողիկոսը, հանդիպման ընթացքում, իր շնորհավորանքներն ու
օրհնությունը հղեց մարզպետին՝ նշանակման առիթով:
Այնուհետեւ խոսվեց 1988 թվականի երկրաշարժի աղետալի հետեւանքների
ու դրանց հաղթահարման ուղղությամբ գործադրվող ջանքերի մասին: Այս
առնչությամբ Վեհափառ Հայրապետը նշեց, որ Շիրակի մարզի բնակչությունը,
շնորհիվ իր հավատքի եւ զորեղ կամքի, կարողացավ ամուր ու հաստատուն
պահել իր ոգին: Նորին Սրբությունը կարեւորությամբ ընդգծեց, որ այսօր
պետության կողմից աշխատանքներ են իրականացվում, որպեսզի Գյումրիին
վերադարձվի երբեմնի փառքը:
Հայոց Հայրապետը փաստեց, որ Մայր Աթոռը մշտապես իր զորակցությունն
է բերել Գյումրիին` տարբեր ծրագրերի միջոցով նպաստելով սոցիալական
խնդիրների լուծմանը, ինչպես նաեւ մշակութային կյանքի զարգացմանը:
Ամենայն Հայոց Կաթողիկոսը հաստատեց, որ Մայր Աթոռի եւ Շիրակի թեմի
կողմից նախաձեռնված այդ ծրագրերը շարունակական են լինելու:
Անդրադառնալով թեմի հոգեւոր կյանքի զորացմանը եւ հոգեւոր դասի ծառայությանը`
Ամենայն Հայոց Կաթողիկոսը նաեւ ընդգծեց, որ շիրակցիները միշտ առանձնացել
են, քրիստոնեական հավատի հանդեպ ունեցած, իրենց նախանձախնդրությամբ
ու եկեղեցասեր նկարագրով:
Իր հերթին նորանշանակ մարզպետը նշեց, թե, որպես հայ մարդ եւ հայ
քրիստոնյա, պատիվ է համարում գտնվել Մայր Աթոռ Սուրբ Էջմիածնում:
Պրն. Տիգրան Պետրոսյանը Նորին Սրբությանը ներկայացրեց Շիրակի մարզի
խնդիրներն ու առկա մարտահրավերները, անդրադարձավ մարզի զարգացման
հեռանկարներին` այդ գործում կարեւորելով նաեւ համագործակցությունը
Հայոց Եկեղեցու հետ:
Վերջում Գարեգին Բ Կաթողիկոսն ուժ եւ կարողություն մաղթեց մարզպետին՝
մարզի ժողովրդի բարօր ու շեն կյանքի կերտման գործում:
ՄԱՅՐ ԱԹՈՌ Ս. ԷՋՄԻԱԾԻՆ ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|
|