ՍՐԲԱՊԱՏԿԵՐՆԵՐԻ
ՕԾՈՒՄ ԱՐԹԻԿԻ ԹԵՄՈՒՄ
ետրվարի
24-ին Արթիկի թեմում հոգեւոր մեծ ուրախություն էր, քանի որ, թեմի
Առաջնորդական տեղապահ Տ. Նարեկ վրդ. Ավագյանի խնդրանքով ու հրավերով,
Արթիկ էր եկել Շիրակի թեմի Առաջնորդ Գերաշնորհ Տ. Միքայել եպս. Աջապահյանը:
Սրբազան Հոր այցելության նպատակն էր, Արթիկի թեմի հավատավոր զավակ
Անդրանիկ Աղաբաբյանի կողմից, առաջնորդանիստ եկեղեցուն ընծայաբերված
սրբապատկերների օծումը:
Արարողությունն սկսվեց Տերունական աղոթքով, որից հետո Տ. Սողոմոն
քհն. Մինասյանը սրբապատկերները լվաց նախ ջրով, ապա եւ գինով: Այնուհետեւ
ծիսակատար Սրբազան Հայրն ընթերցեց համապատասխան աղոթքները եւ Սրբալույս
Մյուռոնով օծեց սրբապատկերները:
Ավարտին Միքայել Սրբազանը խնկարկեց ու համբուրեց նորաօծ սրբապատկերները
եւ իր գնահատանքի խոսքը բաշխեց հավատացյալներին:
Սրբազան
Հոր երախտաշատ խոսքերից հետո ներկաներին իր ասելիքն ուղղեց նաեւ
Արթիկի թեմի Առաջնորդական տեղապահ Տ. Նարեկ վրդ. Ավագյանը: Հայր
Սուրբը նախ իր որդիական երախտագիտությունն ու շնորհակալությունը
հայտնեց Միքայել Սրբազանին, ով, ընդառաջելով իր հրավերին, եկավ եւ
կատարեց սրբապատկերների օծումը: Ապա գնահատանքի ու օրհնության խոսքեր
հղեց նկարիչ եւ նվիրատու Անդրանիկ Աղաբաբյանին:
Ավարտելով ասելիքը` Հայր Սուրբը հույս հայտնեց, որ մի գեղեցիկ օր
այս բոլոր սրբապատկերներն իրենց մնայուն տեղը կգտնեն Արթիկ քաղաքի
խոնարհված եկեղեցիներում:
ԱՐԹԻԿԻ ԹԵՄ
>>>
|
|