ՆՈՐ
ՀՐԱՏԱՐԱԿՈՒԹՅՈՒՆ
Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի
օրհնությամբ Մայր Աթոռ Սուրբ Էջմիածնի հրատարակչական բաժինը լույս
է ընծայել Արմեն Ասատրյանի «Հին Թիֆլիսի հայոց Շամքորեցոց Սուրբ
Աստվածածին եւ Սուրբ Մինաս եկեղեցիները (պատմություն եւ տարեգրություն)»
աշխատությունը: Ներկա հրատարակությունը «Թիֆլիսի հայկական եկեղեցիները»
շարքի երկրորդ գիրքն է՝ նվիրված հիշյալ եկեղեցիների պատմությանը:
Այս եկեղեցիները Թիֆլիսի հայ համայնքի պարծանքն էին, սրբացված աղոթատներ,
որոնց դռները շուրջ երկու հարյուրամյակ բաց են եղել հավատացյալների
առջեւ: Այսօր, սակայն, դրանք խոնարհված են: Հեղինակն անդրադարձել
է նաեւ այդ եկեղեցիներում սպասավորած հոգեւորականների կյանքին ու
գործունեությանը:
Գիրքը նախատեսված է ընթերցողների լայն շրջանակի համար: Հրատարակվել
է մեկենասությամբ «Սարգիս Գաբրիելյան» հիմնադրամի:
ՄԱՅՐ ԱԹՈՌ Ս. ԷՋՄԻԱԾԻՆ
ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|
|