Լրահոսից
6 մայիսի - Տոն երեւման Սուրբ Խաչի:
Ս. Աստվածածին մայր եկեղեցում Սուրբ եւ անմահ Պատարագ մատուցեց Տ.
Շիրակ ավագ քհն. Առաքելյանը, հընթացս որի՝ «Հայր մեր»-ից առաջ, տոնի
խորհուրդը մեկնող քարոզ խոսեց Տ. Հովհաննես քհն. Ալեքսանդրյանը:
Նույն օրը Շիրակի թեմի բարեխնամ Առաջնորդ Տ. Միքայել եպս. Աջապահյանն
այցելեց Ս. Գրիգոր Լուսավորիչ եկեղեցի, ուր Սուրբ եւ անմահ Պատարագ
մատուցեց Տ. Եզնիկ քհն. Գալստյանը:
10 մայիսի - Համբարձում Քրիստոսի Աստուծո մերո:
Սուրբ Յոթվերք եկեղեցում մատուցվեց Սուրբ եւ անմահ Պատարագ: Օրվա
պատարագիչն էր Տ. Թաթուլ ավագ քհն. Հակոբյանը: Սրբազան արարողակարգի
ընթացքում՝ «Հայր մեր»-ից առաջ. պատարագիչ Տեր Հայրն օրվա խորհուրդը
մեկնող հանգամանալից քարոզ խոսեց՝ մանրամասնելով նաեւ տոնի ժողովրդական
աղերսները:
13 մայիսի - Երկրորդ Ծաղկազարդ: Սուրբ Աստվածածին
եկեղեցում Ս. Պատարագ մատուցեց Տ. Թաթուլ ավագ քհն. Հակոբյանը: Հընթացս
սրբազան արարողակարգի՝ «Հայր մեր»-ից առաջ, պատարագիչ Տեր Հայրն
օրվան համահունչ քարոզ խոսեց:
20 մայիսի - Հոգեգալուստ, Պենտեկոստե: Տոնի ուրախ
առիթով Ս. Յոթվերք առաջնորդանիստ եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Հովհաննես քհն. Ալեքսանդրյանը: Սրբազան
արարողակարգի ընթացքում՝ «Հայր մեր»-ից առաջ, հոգենորոգ քարոզ խոսեց
պատարագիչ Տեր Հայրը:
27 մայիսի - Ս. Յոթվերք եկեղեցում Սուրբ եւ անմահ
Պատարագ մատուցեց Տ. Շիրակ ավագ քհն. Առաքելյանը: Հընթացս սրբազան
արարողակարգի՝ «Հայր մեր»-ից առաջ, քարոզ խոսեց Տ. Հովհաննես քհն.
Ալեքսանդրյանը:
28 մայիսի - Տոն Սրբոց կուսանացն Հռիփսիմյանց:
Նահատակ կույսերի հիշատակի տոնի առիթով Ավստրիական թաղամասի Ս. Հռիփսիմե
մատուռում Սուրբ Պատարագ մատուցեց Տ. Արսեն քհն. Սիմոնյանը: Հընթացս
սրբազան արարողակարգի «Հայր մկեր»-ից առաջ հավուր պատշաճի քարոզ
խոսեց պատարագիչ Տեր Հայրը:
>>> |
|