| ՆՈՐ
ՀՐԱՏԱՐԱԿՈՒԹՅՈՒՆՆԵՐ
Ն.Ս.Օ.Տ.Տ. Գարեգին Բ Ծայրագույն Պատրիարք
եւ Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի
հրատարակչական բաժինը լույս է ընծայել Տ. Հակոբ քահանա Սառիկյանի
հուշերը` «Ութ ամիս մեծ պատերազմի արեւմտյան ռազմավայրերում» խորագրով,
ինչպես նաեւ վերահրատարակել Ս. Գրիգոր Նարեկացու «Մատյան Ողբերգության»
(Նարեկ) աղոթամատյանը:
Բարեհիշատակ Հակոբ քահանայի հուշերը վերաբերում են Առաջին համաշխարհային
պատերազմի ժամանակ` 1914-1915 թթ., շուրջ ութ ամիս նրա կողմից Հարավ-արեւմտյան
եւ Հյուսիս-արեւմտյան ռազմաճակատներում որպես զինվորական քահանա
անցկացրած շրջանին: Օրագրության ձեւով ներկայացվում են եկեղեցականին
հանդիպած հայտնի անձինք, հայ զինվորականներ, բժիշկներ, ինչպես նաեւ
նկարագրվում ռազմաճակատում տիրող իրավիճակը եւ պատերազմի թողած ահասարսուռ
հետեւանքները:
Գիրքը, որ հրատարակության է պատրաստել Էդգար Հովհաննիսյանը, կարող
է կարեւոր սկզբնաղբյուր ծառայել Առաջին աշխարհամարտին Արեւմտյան
ռազմաճակատում հայերի ունեցած մասնակցության վերաբերյալ: Գիրքը հրատարակվել
է մեկենասությամբ «Սարգիս Գաբրիելյան» հիմնադրամի:
Գրիգոր Նարեկացու «Մատյան Ողբերգության» աղոթամատյանի վերահրատարակությունը
հանդիսանում է թվով վեցերորդ վերանայված ու լրամշակված հրատարակությունը:
ՄԱՅՐ ԱԹՈՌ Ս. ԷՋՄԻԱԾԻՆ
ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|
|
