ՀԱՆԴԻՊՈՒՄ
ՀՀ ԵՎ ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀՆԵՐԻ ՀԵՏ
պրիլի
26-ին ՀՀ եւ Արցախի Հանրապետության նախագահներ Արմեն Սարգսյանն ու
Բակո Սահակյանն այցելեցին Մայր Աթոռ Սուրբ Էջմիածին, ուր տեղի ունեցավ
հանդիպում Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն
Հայոց Կաթողիկոսի հետ:
Հանդիպմանը մասնակցում էին Մայր Աթոռում պաշտոնավարող եպիսկոպոսները,
հայաստանյան թեմերի առաջնորդները եւ Գերագույն հոգեւոր խորհրդի անդամներ:
Նորին Սրբությունը, հոգեւոր դասի անունից, մտահոգություն հայտնեց
հայրենի երկրում տեղ գտած, քաղաքական զարգացումների հետեւանքով ստեղծված,
իրավիճակի առիթով: Վեհափառ Հայրապետը կարեւորեց, որ քաղաքական գործընթացները
լինեն անցնցում եւ օրինականության շրջանակներում:
Ամենայն
Հայոց Կաթողիկոսը հույս հայտնեց, որ համընդհանուր ջանքերով, երկխոսության
միջոցով քաղաքական ճգնաժամը հանգուցալուծման պիտի առաջնորդվի՝ նկատի
առնելով ազգային շահերը, ի մասնավորի՝ Արցախի ժողովրդի ապահով ու
անվտանգ կյանքը եւ հայոց պետականության անսասանությունը:
Առկա իրավիճակի եւ դրա հաղթահարման ուղիների վերաբերյալ լուսաբանություններ
տվեցին Հայաստանի Հանրապետության եւ Արցախի Հանրապետության նախագահները,
պատասխանեցին հոգեւոր դասի հարցերին:
Զրույցի ընթացքում կարեւորվեց հայրենիքում ներքաղաքական կայունության
ապահովումը եւ, գործընթացների իրականացման ճանապարհին, օրենքի ու
սահմանադրության անխաթար պահպանումը:
ՄԱՅՐ ԱԹՈՌ Ս. ԷՋՄԻԱԾԻՆ ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|
|