Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

FLY-Ի ԶԱՏԿԱԿԱՆ ԲԱՐԵԳՈՐԾՈՒԹՅՈՒՆԸ

եր Տեր Հիսուս Քրիստոսի հրաշափառ Հարության տոնին ընդառաջ FLY-ը, Գյումրի քաղքում, Էջմիածնում, Մերձավան գյուղում, Խոր Վիրապում, Աբովյանում բնակվող, շահառու ընտանիքներին անակնկալ մատուցեց: Այս ընտանիքները, ծանրաբեռնված առօրյա հոգսերով, չեն էլ կարողանում մտածել տոնական գնումների մասին:

Քրիստոնյայի կյանքում հավատքի հիմնաքար հանդիսացող Սուրբ Հարության տոնը ցանկանում է նշել յուրաքանչյուր ընտանիք, յուրաքանչյուր մանուկ: Սոցիալ-տնտեսական դժվարին պայմանները ցավ ու ճնշվածություն են պատճառում կարիքավոր ընտաիքներին: Հենց այսպիսի ընտանքիների կողքին է կանգած FLY-ը, որն ամեն ջանք գործադրում է՝ ջերմություն, անհոգություն, ուրախություն պարգեւելու եւ Տիրոջ կենարար լույսն այս ընտանիքներ բերելու համար:

ՍՈՒՐԲ ԶԱՏԿԻՆ ԸՆԴԱՌԱՋ

Այս անգամ FLY-ի աշխատակիցները զատկական տոնական գնումներ կատարեցին, սննդի եւ քաղցրավենիքի պարկեր պատրաստեցին, որոնք, որպես անակնկալ, տրամադրվեցին շահառու ընտանիքներին՝ զատկական տոնական սեղան պատրաստելու, ինչպես նաեւ հետայդու առօրյա սնունդ ունենալու համար: Մանուկներին տրվեցին սիրելի քաղցրավենիքներով լեցուն պարկեր:

FLY-ը կրկին կարողացավ տեւական ժամանակով թեթեւացնել ընտանիքների հոգսը եւ մանուկների աչքերին ուրախություն ու փայլ հաղորդել: Ծնողները հայտնեցին իրենց երախտագիտությունն ու խորին շնորհակալությունն արդեն հարազատ դարձած FLY-ին, որն ամեն անգամ նրանց օգնության ձեռք է մեկնում՝ չթողնելով անտեսված, լքված եւ աղքատության խավարում մեկուսացած:

ԼԵՆԱ ՄԱՐԳԱՐՅԱՆ

>>>