ԱՌԱՋԱՎՈՐԱՑ
ՊԱՀՔ
«Երբ ծոմ պահեք, տրտմերես մի լինեք կեղծավորների նման,
որոնք իրենց երեսները այլանդակում են, որպեսզի մարդկանց այնպես երեւան,
թե ծոմ են պահում:
ՄԱՏԹ. Զ 16
ռաջավորացը
Գրիգոր Լուսավորչի սահմանած առաջին պահքն է: Երբ վերջինս, Խոր Վիրապից
դուրս գալուց հետո, գնում է հայոց այն ժամանակվա մայրաքաղաք Վաղարշապատ,
նրան ընդառաջ են գալիս հայոց Տրդատ թագավորը, արքունիքն ու ժողովուրդը:
Սուրբը վաթսուն օր քարոզում է մարդկանց Ավետարանի խոսքը, բացատրում
Հին եւ Նոր Կտակարանների ճշմարտությունները, ապա ապաշխարության համար
սահմանում հնգօրյա պահք:
Ս. Գրիգոր Լուսավորչի սահմանած այս պահքն ցայսօր էլ պահպանվում է
Հայ Եկեղեցում եւ կոչվում է «Առաջավորաց»: Այդպես է կոչվում առաջինը
կամ Մեծ Պահքից առաջ լինելու պատճառով: Այն նաեւ Ադամի անկման խորհուրդն
ունի: Դրախտից դուրս գալուց հետո նախաստեղծները հինգ օր սուգ պահեցին՝
առանց ուտելու եւ խմելու, մինչեւ Տերը գթաց եւ մի հրեշտկի պատվիրեց
մխիթարել նրանց: Աստված նաեւ խոստացավ Իր Միածնին ուղարկել՝ նրանց
փրկության համար:
Նոյի ընտանքը եւս, մինչեւ անձրեւի տեղալը, հինգ օր շարունակ առանց
ուտելու եւ խմելու մնաց: Սա ցույց է տալիս հնգօրա պահքի սրբությունը,
որով մտնում ենք եկեղեցի եւ փրկվում մեղքերի ջրհեղեղից: Ի դեպ՝ Առաջավորաց
պահքը հատուկ է միայն Հայ Առաքելական Եկեղեցուն: Այն նախորդում է
Ս. Սարգիս զորավարի տոնին, որ նշվում է Առաջավորաց պահքի շաբաթ օրը:
Ուստի այդ պատճառով այն հաճախ շփոթվում է տոնի հետ եւ թյուրիմացաբար
կոչվում Ս. Սարգսի պահք:
Հայ Եկեղեցու կանոնով սրբերի տոների համար պահք չի սահմանված, հետեւաբար
Ս. Սարգսի տոնը չի կարող պահք ունենալ: Առաջավորաց պահքին նախորդող
կիրակի օրը բարեկենդան է:
Այդ պահքը մի բարի առիթ է, որպեսզի մենք կարողանանք հասկանալ, թե
ինչ է կատարվում մեր ներաշխարհում, մեր հոգու խորքում եւ կարողանանք
շտկել մեր սխալները:
ԱԼՎԱՐԴ ԿԱՂԶՎԱՆՑՅԱՆ
>>>
|
|