Լրահոսից
1 հոկտեմբերի - Տոն Վարագա Ս. Խաչի:
Տոնի ուրախ առիթով Ս. Աստվածածին եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Հովհաննես քհն. Ալեքսանդրյանը: Սրբազան
արարողակարգի ընթացքում՝ «Հայր մեր»-ից առաջ, օրվան պատշաճող քարոզ
խոսեց պատարագիչ Տեր Հայրը:
Նույն օրը թեմակալ Առաջնորդ Տ. Միքայել եպս. Աջապահյանն այցելեց
Ս. Նշան եկեղեցի եւ մասնակցեց մատուցվող Սուրբ եւ անմահ Պատարագին:
Օրվա պատարագիչն էր Տ. Նշան քհն. Պանֆյորովը: Հընթացս սրբազան արարողակարգի՝
«Հայր մեր»-ից առաջ, հավուր պատշաճի հոգեբուխ քարոզ խոսեց եւ տոնի
խորհուրդը մեկնեց Սրբազան Հայրը:
8 հոկտեմբերի - Ս. Յոթվերք մայր եկեղեցում, ձեռամբ
Տ. Շիրակ ավ. քհն. Առաքելյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, օրվան համահունչ
քարոզ խոսեց Տ. Հովհաննես քհն. Ալեքսանդրյանը:
Նույն օրը Շիրակի թեմի Առաջնորդ Տ. Միքայել եպս. Աջապահյանը եղավ
Ս. Սարգիս մատուռում, ուր պատարագում էր Տ. Փավստոս քհն. Սարգսյանը:
Հընթացս սրբազան արարողակարգի՝ «Հայր մեր»-ից առաջ, ոգեշունչ քարոզ
խոսեց Սրբազանը Հայրը:
15 հոկտեմբերի - Սուրբ Աստվածածին եկեղեցում Սուրբ
եւ անմահ Պատարագ մատուցեց Տ. Թաթուլ ավ. քհն. Հակոբյանը: Սրբազան
արարողակարգի ընթացքում՝ «Հայր մեր»-ից առաջ, հավուր պատշաճի քարոզ
խոսեց պատարագիչ Տեր Հայրը:
Նույն օրը թեմակալ Առաջնորդն այցելեց Աշոցք համայնքի Ձորաշեն գյուղ
եւ, դպրոցի հանդիսությունների սրահում, մատուցեց Սուրբ եւ անմահ
Պատարագ:
21 հոկտեմբերի - Սրբոց ավետարանչացն Մատթեոսի,
Մարկոսի, Ղուկասու եւ Հովհաննու: Ս. Յոթվերք մայր եկեղեցում, տոնի
ուախ առիթով, մատուցվեց Սուրբ եւ անմահ Պատարագ: Օրվա պատարագիչն
ու քարոզխոսն էր Տ. Հովհաննես քհն. Ալեքսանդրյանը:
22 հոկտեմբերի - Ս. Աստվածածին եկեղեցում, ձեռամբ
Տ. Հովհաննես քհն. Ալեքսանդրյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, «Երանելի են
նրանք, ովքեր բնակվում են Տիրոջ տանը» բնաբանով, ոգեշինիչ քարոզ
խոսեց Տ. Միքայել եպս. Աջապահյանը:
29 հոկտեմբերի - Գյուտ Ս. Խաչի: Սուրբ Աստվածածին
եկեղեցում, ձեռամբ Տ. Շիրակ ավ. քհն. Առաքելյանի, մատուցվեց Սուրբ
եւ անմահ Պատարագ: «Հայր մեր»-ից առաջ հանգամանալից քարոզ խոսեց
Տ. Հովհաննես քհն. Ալեքսանդրյանը:
Նույն օրն Առաջնորդ Սրբազանն այցելեց Ս. Մինաս մատուռ, ուր օրվա
պատարագիչն էր Տ. Փավստոս քհն. Սարգսյանը: Հընթացս սրբազան արարողակարգի՝
«Հայր մեր»-ից առաջ, հոգեհույզ քարոզ խոսեց Միքայել Սրբազանը:
>>> |
|