ԱԿՏԻՎ
ՀԱՄԱԳՈՐԾԱԿՑՈՒԹՅՈՒՆԸ ՇԱՐՈՒՆԱԿՎՈՒՄ Է
ոկտեմբերի
16-ին սոցիալ- կրթական կենտրոնը հյուրընկալեց «Դի-Վի-Վի Ինթերնեյշնալ»
կազմակերպության հայաստանյան, Միջին Արեւելքի տարածաշրջանային, Պաղեստինի
եւ Հորդանանի գրասենյակների տնօրեններին:
Այցի
շրջանակներում հին եւ նոր գործընկերներին ներկայացվեց կենտրոնի գործունեությունը,
ինչպես նաեւ, կենտրոնում իրականացվող, մեծահասակների կրթության մանրամասները:
Կողմերը քննարկեցին երկրների միջեւ համագործակցության հնարավորություններն
ու հեռանկարները:
Այցն ամփոփվեց առաջնորդարանում, ուր բարեխնամ Առաջնորդ Տ. Միքայել
եպս. Աջապահյանն ընդունեց պատվավոր հյուրերին:
«Դի-Վի-Վի Ինթերնեյշնալ» կազմակերպության աջակցությամբ սոցիալ-կրթական
կենտրոնում իրականացվել եւ ներկայում էլ իրականացվում է մեծահասակների
կրթություն, որի շրջանակներում, մասնագիտություն չունեցող, գործազուրկ
անձանց հնարավորություն է ընձեռվում ձեռք բերել մասնագիտություն
եւ ունենալ զբաղվածություն ու կայուն եկամուտ` աշխատաշուկայում պահանջարկ
ունեցող նոր գիտելիքների ու հմտությունների շնորհիվ:
ԱՆԻ ՄԿՐՏՉՅԱՆ
>>>
|
|