ՆՈՐ
ՄԱՍՆԱԳԻՏՈՒԹՅՈՒՆ` ՆՈՐ ՀՆԱՐԱՎՈՐՈՒԹՅՈՒՆՆԵՐ
ոցիալ-կրթական
կենտրոնում շարունակվում են, խոցելի ընտանիքների կանանց համար, կազմակերպվել
մասնագիտական դասընթացներ, որոնք հնարավորություն կտան, տնակներում
բնակվող, մասնագիտություն չունեցող եւ գործազուրկ, մասնակիցներին
ձեռք բերել զբաղվածություն եւ ստանալ կայուն եկամուտ` շնորհիվ նոր,
աշխատաշուկայում մեծ պահանջարկ ունեցող գիտելիքների ու հմտությունների:
Մասնագիտական դասընթացները գործազուրկներին ընձեռում են աշխատանք
գտնելու իրական հնարավորություն:
Ծրագիրն իրականացվում է ԵՀ միջեկեղեցական հայաստանյան «Կլոր սեղան»
հիմնադրամի ֆինանսական աջակցությամբ:
«Վարսահարդարում»
եւ «Դիմահարդարում» մասնագիտական դասընթացների հերթական փուլը մեկնարկեց
2017 թվականի հունիսի 2-ին: Անցած երկու ամիսների ընթացքում 26 մասնակիցներ
ձեռք բերեցին նոր եւ ժամանակակից մասնագիտություններ՝ հմուտ դասընթացավարներ
Անգին Հովհաննիսյանի եւ Ռոզա Մինասյանի ամենօրյա հետեւողական աշխատանքի
շնորհիվ:
Երկամսյա դասընթացի վերջում մասնակիցները հանձնեցին ավարտական քննություն,
որին ներկա էին Գյումրու «Զբաղվածության տարածքային կենտրոն»-ի տնօրեն
Ա. Ադամյանը, սոցիալական ծառայությունների ներկայացուցիչներ, «Դեպի
առաջ», «Գյումրին առանց տնակների», «Առավոտ» եւ այլ գործընկեր կազմակերպություններ,
որոնց շահառուների ցանկից եւս ընտրվել էին մասնակիցներ: Ներկա էին
նաեւ գեղեցկության սրահների տնօրեններ եւ ոլորտի կայացած մասնագետներ:
Լավագույն մասնակիցների տվյալները գրանցվեցին մի քանի գեղեցկության
սրահներում` հետագայում աշխատանքի հրավիրելու նպատակով, իսկ դիմահարդար
Գոհար Թադեւոսյանը հնարավորություն ընձեռեց վեց լավագույն մասնակիցների`
հաճախել դիմահարդարման լրացուցիչ՝ վերապատրաստական դասերի:
Ե. ԳՐԻԳՈՐՅԱՆ
>>>
|
|