| «ՀՈՒՅՍՈՎ
ՈՒՐԱԽԱՑԵ՛Ք, ՆԵՂՈՒԹՅԱՆ
ՀԱՄԲԵՐԵՑԵ՛Ք, ՀԱՃԱԽԱԿԻ ԱՂՈԹԵ՛Ք»
 արեգին
Բ Ամենայն Հայոց Կաթողիկոսի օրհնությամբ, 2003 թվականին, Մայր Աթոռ
Սուրբ Էջմիածնում բացվեց ՔԿՀ հոգեւոր ծառայության գրասենյակը, որն
այսօր համալրված է յոթը հոգեւոր սպասավորներով՝ Ռուբեն Վարդապետ
Զարգարյանի գլխավորությամբ:
Մայր Աթոռի հոգեւոր ծառայությունն իր առաքելությունն իրականացնում
է երեք հիմնական ուղղություններով՝ ի խնդիր ազատազրկվածների վերափոխման,
բանտային ծառայողների հոգեւոր կյանքի զորացման եւ ազատազրկվածների
ընտանիքներին հոգեւոր, բարոյական ու սոցիալական աջակցության:
Վերջինիս առաքելությամբ, 2017 թ. հուլիսի 26-ին, գրասենյակի հոգեւոր
սպասավորները, Ռուբեն Վարդապետ Զարգարյանի նախաձեռնությամբ եւ գլխավորությամբ,
այցելեցին Շիրակի թեմի սոցիալ-կրթական կենտրոն: Այցի նպատակն էր
առավել կարիքավոր ընտանիքներին տրամադրել հոգեւոր, բարոյական եւ
սոցիալական աջակցություն:
Գործն սկսելուց առաջ ստանալով Շիրակի թեմի Առաջնորդ Տ. Միքայել եպս.
Աջապահյանի օրհնությունը` հյուրերը, թեմի հոգեւոր սպասավորներ Տ.
Ստեփանոս քհն. Ավետիսյանի եւ Տ. Փառեն քհն. Պետրոսյանի, ինչպես նաեւ
սոցիալ-կրթական կենտրոնի սոցիալական աշխատող Հռիփսիմե Պալյանի ուղեկցությամբ,
տնայցեր կատարեցին: Նրանք հանդիպեցին, կենտրոնի շահառուների ցանկից
նախապես ընտրված, հինգ ընտանիքների (ազատազրկվածների, պրոբացիայի
շահառուների, տնակում բնակվող վեց եւ ավելի անչափահաս երեխաներ ունեցողների)
հետ:
Այցելուներն ընտանիքներին նվիրեցին, Մայր Աթոռի կողմից տրամադրված,
Նոր Կտակարան, սնունդ եւ գրենական պիտույքներ: Շահառուները ստացան
նաեւ դրամական աջակցություն՝ Ավստրալիայում բնակվող մեր հայրենակիցներ
Կարո եւ Թամարա Մկրտչյան ամուսինններից:
ՀՌԻՓՍԻՄԵ ՊԱԼՅԱՆ
>>>
|
|
