| ԱՄԵՆ
ԱՎԱՐՏ ԻՐ ՀԵՏ ԲԵՐՈՒՄ Է ՆՈՐ ՍԿԻԶԲ
  ուրբ
Հարություն» կրթական կենտրոնում բարի ավանդույթ է ձեւավորվել՝ այն
երիտասարդներին, որոնք տարվա շրջանավարտներն են, շնորհավորել եւ
բարի ընթացք մաղթել կենտրոնի ընտանեկան ջերմ մթնոլորտում: Այս տարին
բացառություն չէր:
Հուլիսի 4-ին երիտասարդները նախ ներկա գտնվեցին երեկոյան ժամերգությանը,
որից հետո մեկտեղվեցին կենտրոնում՝ ոչ միայն շնորհավորելու շրջանավարտներին,
այլեւ միասին ամփոփելու կյանքի այս փուլը եւ նոր ուժերով, մտածումներով
ու ծրագրերով սկսելու կյանքի նոր ուղին:
«Աստված յուրաքանչյուր մարդու տալիս է յուրահատուկ շնորհ եւ կոչում:
Փորձեք ապրել այնպես, որ բացահայտեք այդ պարգեւը, զարգացնեք այն
եւ ծառայեցնեք բարի նպատակների: Իսկ երբ ճանապարհը դժվարանա, մի
կորցրեք հավատը. հաճախ ամենամեծ ուժը ծնվում է հենց այն պահին, երբ
թվում է՝ այլեւս ուժ չկա: Ձեր հաջողությունները թող երբեք չխլեն
ձեր խոնարհությունը, իսկ անհաջողությունները՝ ձեր հույսը:
 Մարդու
իրական արժեքը չափվում է ոչ միայն նրանով, թե ինչի է հասել, այլեւ
նրանով, թե ինչպիսի մարդ է դարձել այդ ճանապարհին եւ ինչ նպատակի
է ծառայեցնում իր ձեռքբերումները
Շնորհավորում ենք՝ մաղթելով բարի երթ, եւ, որ ամենակարեւորն է, Աստծո
պահպանությունն ու օրհնությունն առաջնորդի ձեզ ողջ կյանքի ընթացքում»,-
իր հայրական օրհնանք-հորդորը հղեց ներկաներին արժանապատիվ Տ. Մակար
քհն. Գալամդարյանը:
Հրաժեշտից առաջ երիտասարդներին կենտրոնի անունից հանձնվեցին Աստվածաշունչ
մատյաններ, որպեսզի Տիրոջ խոսքն ուղղորդի նրանց եւ լուսավորի վերջիններիս
կյանքի ուղին:
ԳՈՀԱՐ ԳԱԼՏԱԳԱԶՅԱՆ
>>>
|
|
