Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

«ՀՐԵ ՕՂԱԿԻ ԿԵՆՏՐՈՆՈՒՄ»

այ ժողովրդի պատմությունը լի է հերոսական էջերով, որոնց ճանաչումն ու արժեւորումը մեր ազգային հիշողության պահպանման կարեւորագույն գրավականներից է:

Շիրակի թեմի Առաջնորդ Տ. Միքայել արքեպս. Աջապահյանի եւ թեմի հոգեւոր տեսուչ Տ. Նարեկ եպս. Ավագյանի օրհնությամբ, մայիսի 29-ին՝ Հանրապետության տոնի առիթով, երիտասարդաց միությունը կազմակերպեց «Հրե օղակի կենտրոնում» պատմավավերագրական ֆիլմի ցուցադրությունը:

Ֆիլմը հիմնված է բացառապես արխիվային փաստագրական նյութերի, պատմական վկայությունների եւ պատմագիտական ուսումնասիրությունների վրա՝ հանդիսատեսին ներկայացնելով հայ ազգային-ազատագրական պայքարի նշանավոր առաջնորդ զորավար Անդրանիկի 1918-1919 թվականների բարդ ու ճակատագրական ճանապարհը: Չորս մասից բաղկացած այս աշխատանքը հնարավորություն է տալիս նորովի դիտարկել մեր պետականության կերտման դժվարին փուլերը, վերարժեւորել ազգային հերոսների դերը եւ ավելի խորությամբ հասկանալ պատմական իրադարձությունների ազդեցությունը սեփական ժողովրդի ճակատագրի վրա:

Ներկաները ոչ միայն հետեւեցին պատմական փաստերի հարուստ ներկայացմանը, այլեւ հնարավորություն ունեցան մտորել հայրենասիրության, ազգային ինքնության, պատասխանատվության եւ պետական մտածողության շուրջ:

Ֆիլմի հեղինակն ու բեմադրողն է Դավիթ Ստեփանյանը, ով ներկա էր հանդիպմանը եւ պատասխանեց բոլորին հուզող հարցերին:

Նման նախաձեռնությունները կարեւոր առիթ են երիտասարդ սերնդի համար՝ ճանաչելու սեփական պատմությունը, դասեր քաղելու անցյալից եւ առավել գիտակցված վերաբերմունք ձեւավորելու հայրենիքի ու պետականության հանդեպ:

ՄԱՐԻԱՄ ՍՈՒՔԻԿՅԱՆ

>>>