Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՇԻՐԱԿԻ ԹԵՄԻ ԱՌԱՋՆՈՐԴ Տ. ՄԻՔԱՅԵԼ ԱՐՔԵՊՍ. ԱՋԱՊԱՀՅԱՆԻ ՆԱՄԱԿՆ «ԻԶՄԻՐԼՅԱՆ» ԲԺՇԿԱԿԱՆ ԿԵՆՏՐՈՆԻՑ

Նախ եւ առաջ՝

Քրիստոս ծնաւ եւ յայտնեցաւ,
Ձեզ եւ մեզ մեծ աւետիս:

Ցանկանալով կցանկանայինք Սուրբ Ծնունդն անցկացնել աղոթքի եւ գոհաբանության մեջ, սակայն հայրենադավների ու տիրադավների միությունը, իր զինված բանդայի անդամներով, վերստին ալեկոծեց մեր Սուրբ Եկեղեցու անդորրը՝ «բարեվարքության» արհեստական ու մտացածին օրակարգով:

Այո՛, ինչպես երկու հազար տարի առաջ, այնպես էլ այսօր դարձյալ մոլեգնել են Հերովդեսն ու Հերովդիադան, զոհ են փնտրում, անմեղի արյուն՝ ի գոհացում իրենց հիվանդագին մտագարության:

Բարեվարքության մասին խոսողները, ապաշխարության ու պահեցողության մեջ լինելու փոխարեն, տգիտության ու անտեղյակության գլուխգործոց են ստորագրում՝ դրանով իրենց ողորմելիության դատավճիռն ստորագրած լինելով:

Հիրավի, հայրենադավը գտել է տիրադավներին, ողորմելին՝ խղճալիներին, անամոթը՝ անպատկառներին, անբարոյականը՝ բարոյազուրկներին, ճղճիմը՝ չնչիններին:

Եվ դեռ դրան հաջորդում են բացահայտ զինված հանցագործությունները ինչպես Երեւանում, այնպես էլ Թալինում: Տգետները գոնե պատմությունից իմանային, որ նման դեպքեր Եկեղեցին բազմիցս է հաղթահարել:

Հուսով ենք, որ մեր ժողովրդի զավակների ստվար հատվածը հասկանում է իրականությունը եւ ճիշտ ախտորոշում կիրականացնի: Սա էլ կանցնի, իսկ Հայ Եկեղեցին կշարունակի իր առաքելությունը՝ օտար մարմիններն արտավիժելուց հետո: Այո՛, Եկեղեցին կբարեկարգվի ու կմաքրվի, սակայն այնպես, ինչպես Աստված է կամենում, այլ ոչ թե՝ ինչպես ողորմելի ոչնչությունները:

Իսկ Քրիստոս ճշմարտապես ծնվեց եւ հայտնվեց,
Ձեզ եւ մեզ մեծ ավետիս:

Օրհնությամբ՝

ՄԻՔԱՅԵԼ ԱՐՔԵՊՍ. ԱՋԱՊԱՀՅԱՆ
ԱՌԱՋՆՈՐԴ ՇԻՐԱԿԻ ԹԵՄԻ

194-ՐԴ ՕՐ
ԱՊՕՐԻՆԻ ԲԱՆՏԱՐԿՈՒԹՅԱՆ 06.01.26

>>>