| «ՈՉ
ՄԻԱՅՆ Ի ՆԱ ՀԱՒԱՏԱԼ, ԱՅԼԵՒ ՎԱՍՆ ՆՈՐԱ ՉԱՐՉԱՐԻՑ»
ՈՒԽՏԻ ՍՈՒՐԲ ՊԱՏԱՐԱԳ ՍՈՒՐԲ ՄԻՆԱՍ ՄԱՏՈՒՌՈՒՄ
 եկտեմերի
8-ին՝ Սուրբ Մինասի հիշատակության օրը, Գյումրու համանուն մատուռը
լի էր հավատավոր գյումրեցիներով, որոնք ուխտավորաբար ներկա էին մատուցվող
Սուրբ եւ անմահ Պատարագին: Օրվա պատարագիչն էր Տ. Վարագ քհն. Հակոբյանը:
Սրբազան արարողակարգի ընթացքում՝ «Հայր մեր»-ից առաջ, դիմելով ներկաներին,
օրվան համահունչ քարոզ խոսեց Սարգիս սրկ. Հարությունյանը:
«Սուրբ եղեք, որովհետեւ ես՝ ձեր Տեր Աստվածը, սուրբ եմ»,- ավանդում
է Սուրբ Գիրքը (Ղեւտ. ԺԱ 44): Արդարեւ, ամենասուրբ Աստվածության
միակ պահանջն այն է, որ անկյալ մարդը սրբվի ու սուրբ լինի, սուրբ՝
մտքով, խորհուրդներով, խոսքերով, վարքով, կենցաղով, ողջ էությամբ,
հոգով ու մարմնով: Եվ մահկանացուներից ոչ ոք չի կարող ընդդիմանալ
ու առարկել աստվածային հիշյալ հրահանգը, քանի որ մարդու սրբությունը
ոչ միայն Աստծո պահանջն է, այլեւ հենց մարդու բնությունը:
Հողակերտ մարդը սուրբ է եղել արարվելու պահից իսկ, քանզի կերտվել
է Աստծո ամենասուրբ ձեռքով: Սուրբ եւ ճշմարիտ Մինասը՝ Քրիստոսի անարատ
զորականը, ազգությամբ եգիպտացի էր եւ թագավորի զորքում էր ծառայում:
Դարձի գալուց հետո, երբ լսում է ամբարիշտների հրամանը, դուրս է գալիս
զինվորական ծառայությունից եւ բնակվում անապատում:
Ի ԴԵՊ
2013 թ. դեկտեմբերի 3-ին՝ Սուրբ Մինասի հիշատակության օրը, Շիրակի
թեմի Առաջնորդ Տ. Միքայել արքեպս. Աջապահյանի ձեռամբ, Գյումրիում
օծվեցին նորակառույց Սուրբ Մինաս եկեղեցին եւ գմբեթի խաչը: Աղոթատունը
խաչաձեւ կենտրոնագմբեթ կառույց է՝ կարմիր մաքուր տաշված տուֆաքարով
եւ մեկ կամարակապ մուտքով: Հյուսիսային կողմում ամփոփված են Սուրբ
Մինասի մասունքները՝ խաչքար տապանակով:
ԱԼՎԱՐԴ ԿԱՂԶՎԱՆՑՅԱՆ
>>>
|
|
