Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

Մանուկներին՝ Սրբազան Պատմություն

ԱԲԲԱ ԱԳԱՖՈՆՆ ՈՒ ԲՈՐՈՏԸ

բբա Ագաֆոնը քաղաք էր գնում, որպեսզի վաճառեր իր ձեռագործ աշխատանքները: Նա ճանապարհին տեսավ գետնին պառկած մի բորոտի, որը հարցրեց նրան.

- Ո՞ւր ես գնում:

- Գնում եմ քաղաք,- պատասխանեց աբբա Ագաֆոնը,- որ վաճառեմ իմ ձեռքի աշխատանքները:

- Գթասիրտ եղիր, եւ տար ինձ քեզ հետ:

Ծերունին բարձրացրեց նրան եւ, դնելով ուսերին, տարավ քաղաք: Բորոտն ասաց նրան.

- Ինձ իջեցրու այնտեղ, որտեղ պետք է վաճառես քո ձեռքի աշխատանքները:

Ծերունին այդպես էլ արեց: Երբ նա մի իր վաճառեց, բորոտը հարցրեց նրան.

- Ինչքանո՞վ դա վաճառեցիր:

- Այնքանով,- պատասխանեց ծերունին:

Բորոտը հարցրեց.

- Ինձ համար հաց կգնե՞ս:

Աբբան գնեց հացը: Եվ երբ նա վաճառեց երկրորդ իրը, բորոտը հարցրեց.

- Սա ինչքանո՞վ վաճառեցիր:

- Այնքանով,- պատասխանեց ծերունին:

- Ինձ համար մի հատ էլ հաց գնիր:

Ծերունին գնեց: Վերջապես նա վաճառեց իր ձեռքի աշխատանքները եւ ուզում էր գնալ: Այդ ժամանակ բորոտը հարցրեց.

- Դու գնո՞ւմ ես:

- Գնում եմ,- պատասխանեց աբբան:

Բորոտն ասաց.

- Գթասիրտ եղիր եւ տար ինձ այնտեղ, որտեղից բերեցիր:

Ծերունին դա էլ արեց: Այդ ժամանակ բորոտն ասաց.

- Ագաֆոն, օրհնված ես դու Աստծուց երկնքում եւ երկրի վրա:

Աբբան նայեց բորոտին եւ չտեսավ ոչ ոքի: Դա Աստծո հրեշտակն էր, որ ուղարկված էր ծերունուն փորձելու համար:

>>>