Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՇԻՐԱԿԻ ԹԵՄԻ ԱՌԱՋՆՈՐԴ Տ. ՄԻՔԱՅԵԼ
ԱՐՔԵՊՍ. ԱՋԱՊԱՀՅԱՆԻ ԽՈՍՔԸ ԿԱԼԱՆԱՎԱՅՐԻՑ

իտեցի «Մեծ բանավեճ»-ը...

Խոնարհումս իմ եզդի եղբորը՝ Բորիսին, Վեհափառ Հայրապետին, ինձ, Բագրատ եւ Մկրտիչ Սրբազաններին եւ ընդհանրապես Հայ Եկեղեցին հայի անուն-ազգանունով բորենիներից հերոսաբար եւ անձնվիրաբար պաշտպանելու համար, ինչն իր՝ առանձնահատուկ առաքինի մարդ լինելու մասին է խոսում: Շնորհակալություն նաեւ մեր մյուս պաշտպանին, ում ցավոք ճանաչելու պատիվը չունեմ:

Ներողություն եմ խնդրում կենդանասերներից՝ բորենիներին (չորքոտանի) վիրավորելու համար:

Աստված մեզ հետ է... Օրհնությամբ՝
19.10.25
115-րդ օր ապօրինի բանտարկության

ԲՈՐԻՍ ՄՈՒՐԱԶԻԻ ՊԱՏԱՍԽԱՆ-ԳԻՐԸ
ՄԻՔԱՅԵԼ ՍՐԲԱԶԱՆԻՆ

Առավոտյան ընկերներս ինձ ուղարկեցին ազնվագույն հայ հոգեւորական, խղճի բանտարկյալ Գերաշնորհ Տ. Միքայել Արքեպիսկոպոս Աջապահյանի նամակը բանտից, որում նվաստս Սրբազանի օրհնությանն էր արժանացել: Երկար էի մտածում, թե ինչպես արձագանքեմ այն պատվին, որ ինձ արժանացրել է բանտված, բայց ամենաազատ եւ խոնարհման արժանի՝ Աստծո ճշմարտությունը տարածող ուսուցիչը:

Ես՝ Բորիս Մուրազիս, խորին երախտագիտությամբ եւ որդիական խոնարհությամբ եմ ընդունում Ձեր օրհնությունը: Ձեր յուրաքանչյուր խոսք պարտավորեցնում է մեզ՝ շարունակել պայքարը ոչ թե ատելությամբ, այլ հավատքով ու արժանապատվությամբ՝ պաշտպանելու այն արժեքները, որոնց համար Դուք այսօր անազատության մեջ եք: Ձեր նման հոգեւոր հայրերն են, որ մեզ մոտեցնում են Աստծո ճշմարտությանը:

Սրբազան Հայր, ինձ համար Ձեր խոսքը նույնքան ուժ եւ ազդեցություն ունի, որքան մեր հավատի հայրերից Շեխ Հասան իբն Շեյխ Ադիի՝ դարերի խորքից եկող պատգամները:

Աստված թող պահպանի Ձեզ, զորացնի Ձեր ոգին եւ շուտափույթ վերադարձնի Ձեր հոտին:

«Եղբայրնե՛ր, չարչարանքների եւ համբերության որպես օրինակ ունեցեք մարգարեներին, որոնք խոսեցին Տիրոջ անունով» (Հակոբոս Ե 10):

Խոնարհաբար համբուրում եմ Ձեր օծյալ սուրբ աջը՝

ԲՈՐԻՍ ՄՈՒՐԱԶԻ

>>>