Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՄԵԴԻԱԳՐԱԳԻՏՈՒԹՅԱՆ ԴԵՐԸ ՔՐԻՍՏՈՆՅԱՅԻ ԿՅԱՆՔՈՒՄ

եր օրերում, երբ մեդիան դարձել է ամենուր ներկա, ազդեցիկ ու արդիական, հարկ է հասկանալ, թե ինչպես կարող է քրիստոնյան կողմնորոշվել տեղեկատվության հսկայական հոսքում՝ պահելով ճշմարտության, սիրո եւ պատասխանատվության սկզբունքները:

Շիրակի թեմի Առաջնորդ գերաշնորհ Տ. Միքայել արքեպս. Աջապահյանի օրհնությամբ թեմի երիտասարդաց միությունն օգոստոսի 11-ին սոցիալ-կրթական կենտրոնում կազմակերպեց «Մեդիագրագիտության դերն արդի քրիստոնեական կյանքում» թեմայով զրույց-քննարկում, որի բանախոսն էր արժանապատիվ Տ. Սարգիս քհն. Սարդարյանը:

Տեր Հայրը խոսեց մեդիագրագիտության եւ քրիստոնյայի կյանքում նրա դերի կարեւորության մասին: Նա նաեւ նշեց, թե ինչպես զարգացնել քննադատական մտածողությունը եւ կարողանալ ճիշտ ու կեղծ ինֆորմացիան տարբերակել՝ պահպանելով քրիստոնեական արժեհամակարգը:

Սոցիալական հարթակներում հոգեւոր նյութի տարածումն այսօր ավելի, քան երբեւէ, կարեւոր է՝ հաշվի առնելով տեղեկատվական հոսքերի բազմազանությունը, ժամանակակից կյանքի արագ տեմպերը եւ հոգեւոր արժեքների հանդեպ աճող կարիքը:

Ժամանակակից մարդն իր ժամանակի մեծ մասն անցկացնում է սոցիալական ցանցերում: Այս պայմաններում հոգեւոր թեմաների առկայությունը թույլ է տալիս օգտատերերին ստանալ հոգեւոր խթանումներ՝ առանց միջավայրից կտրվելու:

Երիտասարդ սերունդը մեծանում է թվային միջավայրում: Եթե հոգեւոր նյութը ներկայացվի հետաքրքիր ու հասանելի ձեւով, դա կարող է լինել առիթ՝ նրանց մեջ ձեւավորելու հավատ, բարություն եւ ինքնաճանաչում:

ԳՈՀԱՐ ԳԱԼՏԱԳԱԶՅԱՆ

>>>