Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՈՒԽՏԻ ՍՈՒՐԲ ՊԱՏԱՐԱԳ ԵՐԵՐՈՒՅՔԻ ՏԱՃԱՐՈՒՄ

Ուխտագնացութիւնը հոգեւոր ճանապարհորդութիւն մըն է, որորւն ընթացքին
ինքզինք հաստատող քրիստոնեան իր մեջ շեշտուած կերպով կը գտնէ
աստուածորոնումի, աստուածճանաչումի հաւատքի գիտակցութիւնը:
ՀՈՎՆԱՆ ԱՐՔԵՊՍ. ՏԵՐՏԵՐՅԱՆ

այ ժողովրդի բնօրրան հայկական լեռնաշխարհը միշտ էլ գրավել է թե՛ հայ եւ թե՛ օտարերկրացի ուխտավորի ուշադրությունը, հմայել հրաշակերտ տաճարներով ու մատուռներով, ոգեւորել հավատավորին եւ առավել մոտեցրել Տիրոջը՝ անմոռանալի դարձնելով յուրաքանչյուր ուխտագնացություն:

Օգոստոսի 23-ին, օրհնությամբ Կոտայքի թեմի բարեխնամ Առաջնորդ Տ. Առաքել արքեպս. Քարամյանի, Եղվարդի Սուրբ Սարգիս եկեղեցու հավատացյալները, տեղի հոգեւոր հովիվ Տ. Աբել քհն. Ստեփանյանի ուղեկցությամբ, ուխտավորաբար այցելեցին Շիրակի թեմ:

Բարեպաշտ ուխտավորները եղան Անիպեմզա ավանի Երերույքի տաճարում եւ ներկա գտնվեցին մատուցվող Սուրբ եւ անմահ Պատարագին: Օրվա պատարագիչն էր Իսահակյանի հովվության հոգեւոր հովիվ Տ. Սարգիս քհն. Սարդարյանը:

ԵՐԵՐՈՒՅՔԻ ՏԱՃԱՐԸ

Բազիլիկ տիպին պատկանող քրիստոնեական եկեղեցի է եւ գտնվում է Ախուրյան գետի ձախ ափին: Այն կառուցված է վարդագույն սրբատաշ տուֆաքարով: Երերույքի Ս. Կարապետ կամ Ս. Աստվածածին տաճարը հիմնվել է քրիստոնեական վաղ շրջանում՝ 4-5-րդ դարերում, հեթանոսական մեհյանի տեղում: Ըստ ժողովրդական ստուգաբանության՝ Երերույք անվանումն առաջացել է տաճարի սյուների միջոցով ստացված ճարտարապետական լուծման հետեւանքով, որի շնորհիվ թվացել է, թե կառույցը երերում է:

Ուխտավորները եղան նաեւ Ջրափիի Ս. Աստվածածին եկեղեցում, այնուհետեւ ճանապարհը շարունակեցին դեպի Գյումրի: Ուխտավորաբար այցելիցին Ս. Ամենափրկիչ եւ Ս. Յոթվերք եկեղեցիներ:

Վերջին հանգրվանը Մարմաշենի՝ 10-12-րդ դարերի վանքն էր, որ եղել է Հայաստանի կրոնական ու կրթական խոշոր, նաեւ նշանավոր կենտրոններից մեկը: Այստեղ նրանք աղոթք առաքեցին առ Ամենաբարձրյալ Տերը՝ աշխարհի խաղաղության եւ Հայ Առաքելական Եկեղեցու անսասանության համար:

ԱԼՎԱՐԴ ԿԱՂԶՎԱՆՑՅԱՆ

>>>