| CIN
ԿԱԶՄԱԿԵՐՊՈՒԹՅԱՆ ՆԱԽԱԳԱՀ ԷԼՄԱՐ ԿՈՒՆԸ
ՍՈՒՑԻԱԼ-ԿՐԹԱԿԱՆ ԿԵՆՏՐՈՆՈՒՄ
 եծ
ուրախություն էր օգոստոսի 11-14-ը Շիրակի թեմի սոցիակ-կրթական կենտրոնում
հյուրընկալել ավստրիական Christians in Need (CiN) կազմակերպության
նախագահ պրոֆ. Էլմար Կունին:
 Պատվարժան
հյուրը բարձր գնահատեց թեմում տարվող սոցիալական աշխատանքը՝ այն
կոչելով «օրինակելի ծառայություն» եւ վստահեցրեց, որ CiN-ը շարունակելու
է աջակցել Հայ Եկեղեցուն, քանի որ ծառայության կարիքը մեծ է: Պրոֆեսորը
Տ. Միքայել արքեպս. Աջապահյանի անարդար բանտարկությունը համեմատեց
Սուրբ Պողոսի փորձությունների հետ՝ ընդգծելով, որ «ոչ մի դավ չի
կարող խլել Աստծո զավակների ազատությունը»:
Մենք խորապես երախտապարտ ենք պրոֆեսոր Կունի համերաշխության եւ CiN-ի
բարեկամության համար: Նրանց անսասան հավատն ուժ է տալիս շարունակել
մեր առաքելությունը՝ ծառայել եւ աջակցել կարիքավորներին, նաեւ զորացնել
մեր հավատն ու առաքելությունը:
Պրոֆեսոր Կունը նաեւ իր սրտի խոսքը հղեց կալանավայրում գտնվող թեմակալ
Առաջնորդին:
ՊՐՈՖԵՍՈՐԻ ԽՈՍՔԸ
Գերաշնորհ Տեր Միքայել Արքեպիսկոպոս.
Գյումրիում ամեն ինչ այնքան կատարյալ էր պատրաստված, եւ մենք կարողացանք
շատ բան ապրել ու զգալ՝ շնորհիվ Կարինեի ու թիմի: Ապշելի է այն,
ինչ Դուք՝ իբրեւ հոգեւոր Հայր, ստեղծել եք Ձեր թեմում՝ օրինակելի
ձեւով: Մենք՝ որպես Christians in Need (CiN), հպարտ ենք, որ թեկուզ
փոքրիկ մասնակցություն ենք ունեցել այս գործում: Բայց անպայման շարունակելու
ենք, քանի որ կարիքը մեծ է: Իսկ Ձեր բանտարկությունը, ինչպես Սուրբ
Պողոսինը, երկնքից ուղարկված փորձություն է: Շատերը, ովքեր հեռու
էին Եկեղեցուց, այժմ Ձեր օրինակով վերադառնում են Եկեղեցի եւ Աստծուն:
Առանց Քրիստոսի, հայ ժողովրդի համար ապագա չկա: եւ որքան էլ թշնամիներ
ունենա Հայաստանը, երբեք չի կորչի` որպես քրիստոնյա երկիր:
Ձեզ նվիրված աշխատակիցները եւս Աստծո պարգեւ են: Նրանց միջոցով Ձեր
գաղափարները շարունակվում են, նույնիսկ եթե դրանք էլ այսօր բանտում
են: Նույն կերպ էր եւ Սուրբ Պողոսի գործը. թեեւ նա բանտարկված էր,
սակայն դարձավ սերմ՝ Եկեղեցու սիրո տարածման համար:
Ինչ նա գրել է Գաղատացիներին, ամեն ինչով վերաբերում է նաեւ Ձեզ.
«Այլեւս ես չեմ ապրում, այլ ճշմարիտ Քրիստոս է, որ ապրում է ինձանում»:
Թող Տերը Ձեզ ուղեկցի եւ առաջնորդի դեպի ազատություն՝ բոլոր դավերին
հակառակ: Ոչ մի դավ չի կարող խլել Աստծո զավակների ազատությունը:
Վստահ եմ, որ մի օր կկարողանամ Ձեզ ողջունել Վիեննայում:
Ձեզ շնորհակալ եւ հավատարիմ՝
Պրոֆ. ԷԼՄԱՐ ԿՈՒՆ
>>>
|
|
