| «ԶԱՆԱՊԱԿԱՆ
ԿՈՅՍՆ ՄԱՐԻԱՄ ԱՍՏՈՒԱԾԱԾԻՆ
ԽՈՍՏՈՎԱՆԻ ՍՈՒՐԲ ԵԿԵՂԵՑԻ»
ԳՅՈՒՏ ԳՈՏՎՈ ՍՈՒՐԲ ԱՍՏՎԱԾԱԾՆԻ
«Անկանիմք առաջի քո, Սուրբ Աստուածածին,
եւ աղաչեմք զանարատ զկոյսդ,
բարեխօսեա՛ վասն անձանց մերոց, եւ աղաչեա՛ զՄիածին Որդիդ՝
փրկել զմեզ ի փորձութիւնէ եւ ամենայն վըտանգից մերոց»:
ՇԱՐԱԿՆՈՑ
 ստվածամորը
նվիրված տոների ոսկե շղթայի յուրահատուկ օղակներից մեկն է հանդիսանում
նրա գործածած գոտու գյուտը նշանավորող տոնը, որ Հայաստանյայց Առաքելական
Սուրբ Եկեղեցու համար հետսամուտ է: Մեծն Թեոդոսիոսի որդի Արկադիոս
կայսրեր (395-408) հրամանով փնտրել են Աստվածածնի գոտին, եւ, գտնելուց
հետո, այն եւս բերվել է Կոստանդնուպոլիս, դրվել փոքրիկ արկղի մեջ
եւ, կնքվելով արքունի մատանիով, պահվել Ս. Աստվածածնի անունը կրող
նորաշեն եկեղեցում:
Ս. Աստվածամոր տփի եւ գոտու գյուտերին նվիրված տոները մեր Եկեղեցու
տոնացույց են անցել Սիմեոն Երեւանցի Կաթողիկոսի կողմից, 1774 թվականին:
Ս. Կույսի գոտու գտնվելը տոնում ենք, որպեսզի, վերհիշելով այս պատմությունը,
մեկ անգամ եւս հիշենք Սուրբ Աստվածածնին եւ նրա միջոցով փառավորենք
Քրիստոսին: Սուրբ Աստվածածինն իր դերով շատ մեծ տեղ ունի քրիստոնեական
մտածողության մեջ: Նա է համարվում գլխավոր բարեխոսը ողջ մարդկության:
Պատահական չէ, որ հայոց եկեղեցիների բոլոր խորանները զարդարում են
Ս. Աստվածածնի հրաշագեղ պատկերները՝ որպես երկնային դուռ ողջ մարդկության
համար: Նա, իր Ավետման օրվանից, դարձավ աստվածակիր եւ աստվածամայր,
քանի որ որովայնում կրեց աստվածայինը եւ վեր բարձրացրեց կնոջ կերպարն
իր մեղսական վիճակից՝ դառնալով յուրաքանչյուր քրիստոնյայի համար
սիրելի մոր կերպար:
ՍՈՒՐԲ ՊԱՏԱՐԱԳ Ս. ԱՍՏՎԱԾԱԾԻՆ ԵԿԵՂԵՑՈՒՄ
Օգոստոսի 31-ին՝ Ս. Աստվածածնի գոտու գյուտի տոնի ուրախ առիթով,
Ս. Աստվածածին առաջնորդանիստ մայր եկեղեցում մատուցվեց Սուրբ եւ
անմահ Պատարագ: Օրվա պատարագիչն էր Տ. Թաթուլ ավագ քհն. Հակոբյանը:
Սրբազան արարողակարգի ընթացքում՝ «Հայր մեր»-ից առաջ, օրվա խորհուրդը
մեկնող հանգամանալից քարոզ խոսեց պատարագիչ Տեր Հայրը:
ԱԼՎԱՐԴ ԿԱՂԶՎԱՆՑՅԱՆ
>>>
|
|
